ப்ரியமுடன் வசந்த்

மூடு பனி [U/A]

2012-01-23T06:00:00.000+04:00

இருவரும் ஒருமுறை பக்கதிலிருக்கும் மலைப்பிரதேசம் மூணார் சென்றிருந்தோம் குளிரானது காற்றுடன் கைகோர்த்திருந்த வேளை நாங்களும் கைகோர்த்தபடி பனிமூட்டத்தை ரசித்துக்கொண்டிருந்தோம். ''இவ்வளவு அருகில் நான் மூடுபனியை பார்த்ததில்லை'', என்றவளிடம் ''நான் கிட்டதட்ட மூடு பனியோடதான் வாழ்க்கையே நடத்திக்கொண்டிருக்கிறேன்'', என்றேன் அவளுக்கு விளங்கவில்லை என்னது என்றாள் . ''நீ என்கிட்ட இருக்கிறப்போ எனக்கு உன்னைத்தவிர வேறு எதுவுமே தெரிவதில்லை அதான் மூடுபனின்னு சொன்னேன்'', என்றதும் என் கன்னத்தில் மென் முத்தமிட்டாள். இன்னொரு அர்த்தமும் இருக்கிறது சொல்லவா என்றேன் ம் என்றவளிடம் ''நீ எப்பவும் குளிர்ச்சியா இருக்க, ஆனா இப்போகூட அந்த அந்த ஹிப் தெரியாம சேலை கட்டி எப்பவும் இழுத்துப்போர்த்திட்டு இருக்க இல்ல அதான் நீயொரு மூடுபனின்னு சொன்னேன்'', என்றதும் ச்சீய்ய் என்ற சின்ன சிணுங்கலுடன் ''மூடுடா பன்னி'' என்று நக்கலாய் கண்ணடித்து சிரிக்கிறாள் .

மற்றொரு நாள் அலுவலகத்தில் லஞ்ச் டைமில் தலைவியின் மொபைலுக்கு அழைத்து ''இன்றைக்கு நீ கொடுத்தனுப்பிய லஞ்ச் சூப்பர்டி என்று சொல்லிவிட்டு என்ன பண்ணிட்டு இருக்க?'' ,என்றேன். பதிலுக்கு,''சும்மாதாங்க கார்ட்டூன் பார்த்திட்டு இருக்கேன்'' என்றவளிடம், என்னடி இது ஒரு குழந்தைக்கு தாயாக போற இன்னும் கார்ட்டூன் பார்த்திட்டு இருக்க உனக்கு கொஞ்சம் கூட ஷையா இல்லியா?, என்றேன். இல்லியே என்றவள், ''நீங்க இந்த Pooh கார்ட்டூன் பார்த்தா அப்படி சொல்ல மாட்டீங்க என்றாள். ஓஹ் அப்படியென்ன இருக்கிறது அந்த Pooh கார்ட்டூனிடம்?, என்றதும், அது அப்படியே உங்களைப்போலவே செம்ம க்யூட்ங்க அதானென்று இழுத்தாள்.... அடிப்பாவி என்னை ஒரு நிமிஷத்துல கார்ட்டூன் ஆக்கிட்டியேடி இரு இப்போவே பார்க்கிறேன் என்று இணையத்தில் Pooh கார்ட்டூன் தேடி கண்டுபிடித்து வீடியோவை ஓடவிட்டேன் வீடியோ ஓடிய சில நிமிடங்களில் நான் சிரித்த சிரிப்பில் அலுவலகமே அதிர்ச்சியடைந்ததென்றால் பார்த்துக்கொள்ளுங்களேன். மாலை அலுவலகம் முடிந்ததும் ரெடிமேட் ஷோரூம் சென்று Pooh கார்ட்டூன் அணிந்திருந்த அதே கலரில் சட்டை இல்லையில்லை பிளவுஸ் பீஸ் வாங்கி சென்று அதே போல அணிந்து அவள் முன் நின்று இப்போ சொல் ஷையா இருக்கா இல்லியா என்றதும்தான் தாமதம் என்னை பார்த்ததும் குபீரென்று சிரித்துக்கொண்டே வெட்கத்தை வீடெங்கும் சிதறவிட்டுக்கொண்டிருந்தாள் நான் அதை சேகரித்துக்கொண்டிருந்தேன்.

இன்னொரு நாள் மாலை நேரம் வீட்டில் இருந்த சமயம் குளித்துமுடித்து மல்லிப்பூவும் வாசமுமாய் வீட்டை அதகளப்படுத்திக்கொண்டிருந்தாள் நான் ''மல்லிகமொட்டு மனசத்தொட்டு இழுக்குதடி மானே'' என்ற பாடலை பாட ஆரம்பித்திருந்தேன் அய்யடா ஆரம்பிச்சுட்டார்யா பாட்டு வாத்தியார் என்று நக்கலடித்தவளை இன்றைக்கு ஒரு வழி பண்ணிவிடுவது என்றபடி மேலும் பாட ஆரம்பித்திருந்தேன் இடையில் வரும் பாடி வச்சு பாடி வச்சு பதுக்கிவச்சதெல்லாம் காதலிக்க காதலிக்க வெளஞ்சு வந்ததென்னவென்று பாடியபடியே அவளைப்பார்த்து கண்ணடித்தேன் ச்சீய் என்றவள் இந்த கவிஞர்கள் சுத்த மோசம் எப்படிலாம் டபுள்மீன் பண்றாங்க என்றாள் எல்லாம் நம்மளைப்போன்றவர்களுக்காகத்தான் என்றதும் ம்க்கும் உங்களைப்போன்றவர்களுக்கென்று சொல்லுங்கள் என்றாள் அப்படியும் வைத்துக்கொள்ளலாம் என்றபடி பூவரசம் பூவுக்குள்ள இருப்பதென்ன சொல்லு பூப்பறிக்கும் மாப்பிள்ளைக்கு பசிக்குதம்மா நில்லு மேற்கொண்டு பாடலை பாட ஆரம்பிக்கவும், அதற்க்குமேல் அங்கு நின்றால் ஒரு வழி பண்ணிவிடுவேனென்று நினைத்திருப்பாள் போலும் ஒரே ஓட்டமாய் உள் அறைப்பக்கம் ஓடியவளை விரட்டிப்பிடித்தேன் அறையெங்கும் வளையல் மெட்டுச்சத்தம் கேட்டுக்கொண்டிருந்தது...

இன்னொரு சமயம் இருவருக்கும் கடுமையான வாக்குவாதம் . வாக்குவாதம் முற்றி பிறந்தவீட்டுக்கு பெட்டியும் கையுமாக கிளம்ப ஆரம்பித்திருந்தாள் . நிலைமையை சமாளிக்க இறுதியில் ''நீ சரியான கல்நெஞ்சக்காரி அதான் என்னை விட்டு போற இல்ல'', என்றேன். என் முகத்துக்கு நேரே வந்தவள் ''உங்க நெஞ்சைத்தொட்டு சொல்லுங்க நான் கல்நெஞ்சக்காரியா?'' என்றபடி கண்களில் கண்ணீர் மிதக்க கேட்டவளை நான் ஏன் என் நெஞ்சை தொட்டு சொல்லணும் ''நீயே தொட்டுப்பார்த்துக்கோ நீ கல் நெஞ்சுக்காரியா இல்லையாவென்று சிரிப்பை அடக்க முயன்று தோற்று சிரித்துவிட்டேன்''. புரிந்துகொண்டவள் ஆவேசத்துடன் உங்களை உங்களையெல்லாம் என்று சொல்லியபடி கையிலிருந்த பெட்டியை என் காலில் டொப்பென்று போட்டுவிட்டு இப்போ சொல்றேன் ஆமா நான் கல் நெஞ்சக்காரிதான் என்றவளின் கோபம் பறந்து தாபமாகியிருந்தது.

நேற்று ஹேய் செல்லம் தலைவர் படம் பார்த்துட்டேன்டி சூப்பரா இருக்கு நாளைக்கு சண்டேதானே ரெண்டுபேரும் மேட்னி ஷோ போகலாம் ரெடியா இருடி என்றேன் தேவியிடம் பதிலுக்கு அவள் அடடா நீங்களாச்சு உங்க தலைவராச்சு உங்க தலைவர் படத்தை மனுஷி பார்ப்பாளா? அடுத்த மாசம் எங்க தலைவர் படம் ரிலீஸ் அப்போ போகலாம் சரியா என்றபடி எப்படி என் நோஸ் கட்? என்றாள், என்ன இப்படி டபக்கென்று தலைவரப்பற்றி தப்பாக சொல்லிவிட்டாள் என்று அவளின் நோஸ்கட்டை வைத்தே அவளுக்கு நோஸ்கட் கொடுக்கலாமென்று அவளிடம், இங்க பாரு தலைவர் படத்துல ஒரு அறிவு பூர்வமான கொஸ்டின் ஒன்னு இருக்கு அதுக்கு பதில் சொல்லிட்டா உன் தலைவர் படத்துக்கு ஃபர்ஸ்ட் டே ஃபர்ஸ்ட் ஷோ போகலாம் சரியா? என்றேன் சரி என்றவள் என்ன கொஸ்டின்? என்றாள் அது வந்து ஒன்னும் இல்ல கிஸ் அடிக்கும்போது மூக்கும் மூக்கும் இடிச்சுக்குமான்ற ஒரு சின்ன கேள்விதான் ஓஹ் என்று மோவாயில் கை வைத்து யோசித்தவள் நிறைய கமல் படத்துல கூட பார்த்திருக்கேன் ஆனா சரியா தெரியலியே என்றாள் நான் சொல்லவா என்றேன் ம்ம் கிட்ட வாயேன்டி என்றபடி ஒரு ஃப்ரெஞ்ச் கிஸ்ஸடித்ததும் ''இட்ச்சிக்கும்'' என்று ஈனஸ்வரத்தில் சொல்லினாள்... தலைவா யூ ஆர் கிரேட்..

நன்றி..

Sun and Moon Pictures 2012

2012-01-01T05:33:00.000+04:00

நண்பர்கள் ,உறவுகள், ரசிகர்கள், ரசிகைகள் அனைவருக்கும் இந்த ஆண்டு மகிழ்ச்சிகரமான ஆண்டாக அமைய இனிய புத்தாண்டு நல் வாழ்த்துகள் நல்லாருப்போம் நல்லாருப்போம் எல்லாரும் நல்லாருப்போம்..

தந்தை சொல் மிக்கதொரு மந்திரமில்லை..

2011-12-31T01:02:00.001+04:00

இப்பொழுது எல்லாம் பணத்திற்க்கு பதில் நிறைய கிரெடிட் கார்ட்கள் பயன்படுத்துகிறோம் இல்லையா? கிரெடிட் கார்ட் இல்லாத காலத்திலும் அல்லது கிரெடிட் கார்ட் இல்லாத குடும்பத்திற்க்கும் இருந்த, இருக்கின்ற ஒரே கிரெடிட் அப்பாதான் . எனக்கு பணத்திற்க்கு மட்டுமல்ல புத்திமதிகளுக்கும் அறிவுரைகளுக்கும் கூட என் அப்பாதான் கிரெடிட் கார்ட்.என்னோட அப்பா பாக்கெட்ல எப்பவும் நிறைய பணம் வைத்திருப்பார். அவருடன் வெளியில் செல்லும் பொழுதுகளில் கடை வீதிகளில் இருக்கும் கடைகளில் முதல் கடையில் வாங்கிய பொருள் ஐம்பது ரூபாய்க்கும் குறைவாகவே இருந்தாலும் ஐநூறு ரூபாய் தாளை எடுத்து நீட்டுவார் அவர்கள் கொடுக்கும் மீதி சில்லரையை வாங்கி வைத்துக்கொண்டு அடுத்தடுத்த கடைகளிலும் அதேபோல நூறு ரூபாய் தாளையோ ஐநூறு ரூபாய் தாளையோ கொடுத்து சில்லரை வாங்கிக்கொள்வார் , ஏம்ப்பா அதான் சில்லரை வைத்திருக்கிறீர்களே பின் ஏன் மீண்டும் மீண்டும் சில்லரையாக சேர்க்கிறீர்கள் என்றால் அவசர ஆத்திரத்திற்க்கு பயன்படுத்துவதற்க்கு சில சமயம் சில்லரை இல்லாமல் போய்விடும் அதற்க்காக நான்கைந்து கடைகள் ஏறி இறங்குவதைவிட நம்கையில் சில்லரையிருந்தால் அலைய வேண்டியிருக்காதென்பார். அப்பொழுதிருந்து அதேதான் நானும் பின்பற்றுகிறேன் என் பாக்கெட்டில் பணம் இருக்கிறதோ இல்லையோ நிறைய சில்லரைகள் இருக்கும். அதன் பயன்பாடு அவசர ஆத்திரத்திற்க்கு மட்டுமல்ல மாதக்கடைசியிலும் உதவியிருக்கிறது.

என்னுடைய அப்பா எல்லாவிதத்திலும் திறமையானவராயிருந்தாலும் எந்த ஒரு விஷயமாக இருந்தாலும் முடிவெடுப்பதில் அவருக்கு சிறு மன உளைச்சல் உண்டு . என் கைபிடித்து சாலையை கடக்க முயற்சிக்கும் பொழுது அவர் படும் பாடு சொல்லி மாளாது அதுபோன்ற தருணங்களிலும் சில வேறு விஷயங்களிலும் அப்பாவிடம் எதிர்த்து அல்லது கடிந்து கொண்டிருக்கிறேன். சில சமயம் அமைதியாகிவிடுவார் சில சமயம் கோவித்துக்கொள்வார் கோவித்துக்கொண்டு சிலநாட்கள் அப்பாவும் நானும் பேசாமலும் இருப்போம் அச்சமயங்களில் நான் என்னுடைய அறையில் எதாவது புத்தகம் படித்துக்கொண்டிருப்பேன் வெளியிலிருந்து பாட்டுச்சத்தம் கேட்கும் அப்பாதான் பாடிக்கொண்டிருப்பார் ''ஏன் பிறந்தாய் மகனே ஏன் பிறந்தாயோ? இல்லையொரு பிள்ளையென்று ஏங்குவோர் பலரிருக்க இங்கு வந்து ஏன் பிறந்தாயோ'' வென்று அம்மாவும் அப்பாவும் சிரித்துக்கொண்டிருப்பார்கள் நான் உடனே வெளியில் சென்று ஏன் பெத்தீங்க என்பேன். இதற்காகத்தானடா என்று வாங்கிவந்த எனக்குபிடித்த பால்கோவாவை எடுத்து நீட்டி கன்னங்களில் தடவிக்கொடுப்பார் . பால்கோவாவிற்கு இல்லையானாலும் அப்பாவின் அந்த அன்பிற்க்கு சரண்டராகிவிடுவேன்.

அப்பா பாடல்கள் நன்றாக படிப்பார் பழைய பாடல்கள் விரும்பி கேட்பார் சந்தோஷமான நேரங்கள் துன்பமான நேரங்கள் அதனதன் நேரங்களுக்கேற்ப அப்பா படிக்கும் பாடல்கள் இருக்கும் சந்தோஷமான பாடல்கள் படிக்கிறாரென்றால் அப்பா சந்தோஷமாக இருக்கிறார் என்று கொள்ளலாம். வருத்தமான பாடல்கள் படிக்கிறாரென்றால் அப்பா கோபத்திலிருக்கிறாரென்றும் கொள்ளலாம். பெரும்பாலும் அப்பா சந்தோஷமான பாடல்கள் படிக்கும்பொழுதே எனக்கு ஆக வேண்டிய காரியங்களை சாதித்துக்கொண்டிருக்கிறேன். அப்பாவின் உடன் பிறந்தோர் அப்பாவுடன் சேர்த்து மொத்தம் ஒன்பது பேர் ஒவ்வொருவரும் ஒவ்வொருவிதம் . என்னுடைய பாட்டனார் என் அப்பாவின் தந்தை கடைசி வரையிலும் எங்களுடன்தான் இருந்தார். பாட்டையா தன்னுடைய பிற மகன்களைபற்றி வருத்தப்படும்பொழுது ''ஒரே ஒரு ஊரிலே ஒரே ஒரு ராஜா ஒரே ஒரு ராஜாவுக்கு ஒரே ஒரு ராணி ஒரே ஒரு ராணி பெற்றால் ஒன்பதுபிள்ளை அந்த ஒன்பதிலே ஒன்றுகூட உருப்படியில்லை'' என்ற பாடலை அப்பா பாட்டையாவிடமும் பாடிக்காட்டுவார் கூடவே அம்மாவும் பாடுவதுண்டு, வாஸ்தவம்தான்ப்பா என்று பேச்சை முடித்துக்கொள்வார் பாட்டையா.இப்பவும் அந்த பாடல் பார்க்கும்பொழுதெல்லாம் அப்பா ஞாபகம் வந்து கண்கலங்கிவிடுகிறது இந்த பதிவு கூட அந்த பாடல் கேட்டுக்கொண்டேதான் எழுதிக்கொண்டிருக்கிறேன்..

அப்பா திருமணத்திற்க்கு முன்பு சென்னையில் பல வருடங்கள் வேலை செய்திருக்கிறார். நடிகர் ராஜசேகர் எங்கள் ஊர்க்காரர் ஒருவரின் உறவினர் என்பதால் ராஜசேகரின் கெஸ்ட் ஹவுஸ் ரூமில் தங்கி வேலை செய்திருக்கிறார் ராஜ சேகர் தம்பி செல்வாவை சிறுவயதில் அப்பா தூக்கி விளையாடியிருப்பதாக கூறுவார். அப்படி அங்கு வேலை செய்து கொண்டிருந்த சமயம் அப்பாவுடன் அப்பாவின் நண்பர் ஒருவரும் ஒரே அறையில் தங்கியிருந்து பணிபுரிந்திருக்கின்றனர். அந்த நண்பர் ஒரு நாள் சமயம் பார்த்து அப்பாவிடமிருந்த நகைகள் உடைகள் பணம் அத்தனையையும் திருடிக்கொண்டு தலை மறைவாகிவிட்டாராம். அந்த படிப்பினையை என்னிடம் நண்பர்களிடம் பழகுவது தப்பல்ல ,நண்பர்களின் குணம் அறிந்து பழகு , நம்மிடம் நல்லவிதமாக பழகிவிட்டு நமக்கு பின்புறம் போய் நம்மை பற்றி குறை பேசுபவர்களும் உண்டு அதனால் ''ஊரெல்லாம் எனக்கு நண்பர்களிருக்கிறார்கள் என்ற பெருமையை விட நாம் நன்றாக இருக்க வேண்டும் என்று நினைக்கிற நாலு நண்பர்கள் இருந்தால் போதும்'' என்பார் . அவர் சொன்னதன் படி இதுவரை என்னுடைய நண்பர்கள் எண்ணிக்கை ஏழைத் தொட்டிருக்கிறது. அவர்கள் ஒவ்வொருவரின் எண்ணிக்கையிலும் ஒன்று கூடியிருக்கிறது.

அப்பா எனக்கு நிறைய பொருட்கள் வாங்கிக்கொடுத்திருக்கிறார் ஆனால் எல்லாவற்றையும் கேட்டதும் வாங்கிக்கொடுத்ததுகிடையாது சில நாட்கள் கழித்தே வாங்கிக்கொடுத்திருக்கிறார். பணம் இருக்கே கேட்டதும் வாங்கிக்கொடுத்திருக்கலாம்தானே அப்பா என்றால் , கேட்டதும் வாங்கிக்கொடுத்தால் வாங்கிய பொருளின் மதிப்பறிந்திருக்க மாட்டாய். இப்பொழுது இத்தனை நாட்கள் கேட்டு கேட்டு வாங்கிய பொருளென்று அதை பத்திரமாக வைத்திருப்பாயல்லவா என்பார். கடந்த 1999 ம் வருடம் இதே டிசம்பர் மாதம் வந்த என்னுடைய பிறந்த நாளுக்கு நான் கேட்காமலேயே டைட்டன் ஸ்கொயர் டைப் வாட்ச் ஒன்று வாங்கிக்கொடுத்தார். வாட்ச் என்று அப்பா வாங்கிக்கொடுத்தது அதுதான் முதன் முறை அதுவரை நான் வாங்கிய உறவினர்கள் வாங்கிக்கொடுத்த நிறைய வாட்ச்கள் தொலைந்து போயிருக்கின்றன அல்லது உடைந்து போயிருக்கின்றன ஆனால் இந்த வாட்ச் கிட்டத்தட்ட பனிரெண்டு வருடங்களாக என்னுடனே இருக்கிறது என்பதை விட அப்பாவின் சார்பில் என்னுடன் இருந்து அன்பையும் அறிவுரையையும் தேவைப்படும் சமயங்களில் தந்துகொண்டேயிருக்கிறது...நிறைய புதுரக வாட்ச்கள் பார்க்கும்பொழுது வாங்க வேண்டுமென்று ஆசையும் வந்ததில்லை..வேறு ஏதாவது வாட்ச்கள் கட்டும் சூழ்நிலை வந்தாலோ இல்லை இந்த வாட்ச் கட்ட மறந்த நாட்களோ மகிழ்ச்சியுடன் நகர்ந்ததில்லை..

இதோ இன்றைக்கு அப்பாவுக்கு எழுதும் பிறந்த நாள் வாழ்த்தையும் நான் எழுத எழுத பார்த்து சந்தோஷப்பட்டுக்கொண்டிருக்கிறது.

பிறந்த நாள் வாழ்த்துகள் அப்பா..

சென்ற வருடம் அப்பாவுக்கு எழுதிய பிறந்த நாள் வாழ்த்து பதிவு அன்பினாலே உண்டாகும் இன்ப நிலை

பதிவை வாசித்த அனைவருக்கும் நன்றிகள்..

ரைட்டிங் ஸ்டைல் ..

2011-12-18T14:48:00.001+04:00

நம்முடைய கையெழுத்தில் கவிதையை வாசிப்பது நமக்கே சில சமயம் சிலிர்ப்பைதரும் இதோ எனக்கு சிலிர்ப்பை தந்த என் கை(உயிர்)எழுத்து இவ்ளோ நாள் விட்டுட்டு இப்போ ஏன்னு கேட்குறீங்களா? ப்ரியசகிக்காக...

இது மார்கழி மாதம்

2011-12-17T06:21:00.002+04:00

'காமன்' வெல்த் (U/A)

2011-12-12T14:59:00.001+04:00

ஒரு நாள் இருவரும் வெளியிலிருக்கும் ஒரு பார்க்கில் சந்தித்து கொண்ட பொழுது அவள் கையிலிருக்கும் மச்சத்தை பார்த்துவிட்டு ஹைய்யோ இத எப்படி கவனிக்காமல் போனேன் எங்கே சொல் உன் உடம்பில் எத்தனை மச்சம் இருக்கிறதென்று? என்று அவளிடம் கேட்டேன் ஏன் கேட்கறடா என்று வினவியவளிடம் சும்மா ஒரு லவ் நாலேட்ஜிற்க்குத்தான் சொன்னால்தான் என்னவாம் என்றேன் சிணுங்கியபடியே மொத்தம் பத்து இருக்கிறது என்றாள் எங்கெல்லாம் என்றேன் ஆச தோச நீயே கண்டுபிடிச்சுக்கோ என்றாள் பாவம் நீயாகவே சொல்லிவிட்டாயென்றால் உனக்கு நல்லது இல்லையென்றால் எனக்கு நல்லது ம்ஹூம் சொல்லமாட்டேன் என்றாள் அப்படியா மேடம் அப்போ நம்ம மேரேஜிற்க்கு பிறகு நானே கண்டுபிடித்துக்கொள்கிறேன் ஆனால் ''நான் கண்டுபிடிக்கும் ஒவ்வொரு மச்சங்களையும் வரிசையாக இணைக்கும்படி என் உதட்டால் உன் உடம்பில் மச்சக்கோடு வரைவேன் பரவாயில்லையா?'' என்றேன் ஆஆங் அதெப்படி முடியாது என்றாள் அப்போ சொல் என்றேன் ம்ஹூம் என்றாள் அப்போ மச்சக்கோடு ஒகேவா என்றேன் ஒகே என்றாள் கீழ் உதட்டை கடித்தபடியே..

திருமணத்திற்க்கு பிறகொரு நாள் புத்தம் புதிய ஒரு சேலை அணிந்துகொண்டிருந்தவள் என்னருகில் வந்து இந்த காட்டன் சாரி எனக்கு நல்லா இருக்கா என்று வினவினாள் சூப்பரா இருக்கு ஆனால் ''உனக்கு கூந்தல் சேலைதான் கொள்ளையழகு'' என்றதும் கூந்தல் சேலையா? என்று ஆச்சரியத்தோடு வினவியவளிடம் அதான் கண்ணே நேற்றைக்கிரவில் ''உன் உடம்பெங்கும் விரவியிருந்த உன் கூந்தலைத்தான் சொன்னேன்'' என்றபடி அவளை கட்டியணைத்தேன் ச்சீய் சரியான காட்டான்டா நீ என்று என்னிடமிருந்து விடுவித்துக்கொண்டு ஓடியவளை கூந்தல் சேலை அணிவிக்க வெகு நேரமாயிருக்கவில்லை..

மறுநாள் , குளித்துமுடித்துவிட்டு ஈரம் சொட்ட சொட்ட தலையை சிலுப்பியபடி சிணுங்கல்முகத்துடன் என்னிடம் வந்தவள் உனக்கு கொஞ்சமாவது சென்ஸ் இருந்தா இப்படிலாம் பண்ணுவியா நீ என்றாள் என்ன சொல்ற நீ ? ம் ஆமாம் உடம்புல சுடு தண்ணீர் விழுந்ததும் ஒரே எரிச்சல் என்னவென்று பார்த்தால் உடம்பெல்லாம் உன் நகக்கீறல் முதலில் உன் நகத்தை வெட்டிவிட வேண்டும் என்றாள் சிணுங்கலுடனே ஓஹ் அதுவா? அது ''நேற்றைக்கு நாம் கலந்துகொண்ட காமன்வெல்த் கேம்ஸில் நீ வாங்கிய பரிசுகள்'' கண்ணே என்றதும் இன்னும் வெட்கப்பட்டு சிரித்தாள் ஈரக்கூந்தல் அள்ளிமுடித்தவளை இன்னொரு காமன்வெல்த் கேம்ஸிற்க்கு தயார் படுத்தினேன்.

இன்னொரு நாள் பகல் பொழுதில் என் மடியில் தலை வைத்து படித்திருந்தவள் என்னிடம், நான் சாரிகட்டுறது பிடிச்சிருக்கா இல்லை சுடிதார் போட்டிருப்பது பிடிச்சிருக்கா என்றாள் சாரிதான் என்றேன் ஏன் என்றாள் சேலையில்தான் உன் வனப்பான பிரதேசங்கள் என்னை இன்புறச்செய்கின்றன என்றபடி உனக்கெது சவுகர்யமாக இருக்கிறது என்று வினவினேன் சுடிதார் என்றாள் ஏன்? என்றதும் , ''உங்களோட ப்ராபர்டிஸ் எல்லாம் பத்திரமா பாதுகாப்பா இருக்க ஹெல்ப் பண்ணுதே '' என்று வெட்கியவளை அடிக்கள்ளி என்றபடி அவள் உதட்டில் மென் முத்தமிட விடுங்க பட்டப்பகலிலேவா என்றாள் முற்பகல் செய்யின் பிற்பகல் விளையுமென்று பெரியோர்கள் சொல்லியிருக்கிறார்கள் என்றதும் சிவந்த அவள் முகம் இன்னும் சிவக்க ஆரம்பித்தது..

ஒரு நாள் மாலைப்பொழுதில் நான் புத்தகம் படித்துக்கொண்டிருக்கையில் என் நெற்றியில் முத்தமிட்டவள் நீங்க எனக்காக எழுதிய கவிதைகள் அத்தனையும் ஏன் அந்த கருப்பு வண்ணத்திலிருக்கும் டயரியில் எழுதினீர்கள் எல்லோரும் வெள்ளை டயரியில்தானே எழுதுவார்கள் என்றாள் அதுவா ''நீ இந்த விமானத்தில் இருக்கும் கருப்புப்பெட்டி கேள்விப்பட்டிருப்பாய் விமானம் விபத்துக்குள்ளானால் அந்தகருப்புப்பெட்டியிலிருக்கும் ரகசியத்தை அனைவரும் தெரிந்துகொள்வார்கள் அதுபோலவே நான் உன் மேல் வைத்திருக்கும் அத்தனை காதலையும் இந்த கருப்புடயரி ரகசியமாய் வைத்திருக்குமென்றேன்'' , உணர்ச்சிவசப்பட்டவள் மிக தைரியமாக ஃப்ரெஞ்ச் கிஸ் ஒன்று கொடுத்தபடி என்னை வாரியணைத்தாள்.

மங்கிய நீல நிற இரவு விளக்கில் இருவரும் ஆதாம் ஏவாளாய் இருக்கையில் சின்ன சின்னதாய் காதல்ஸ்வரங்களாய் அவளின் கொலுசும் வளையல்களும் சத்தங்கள் எழுப்பிக்கொண்டிருந்தன இந்த கொலுசும் வளையலும் ஏன் சத்தம் போடுகிறதென்று தெரியுமாவென்றேன் இல்லையே என்றாள் நான் உன்னிடம் சரணடைந்துவிட்டதை பார்த்த கேலிச்சிரிப்புதான் அது என்றேன் ஓஹ் அப்படியா என்றவளிடம், கலைந்து போடப்பட்ட ஆடைகளை காட்டி ' அவங்க நம்ம மேல கோபமா இருக்காங்கபோல' என்றேன் சிரித்தபடி ஏன் அப்படி சொல்றீங்க என்றாள் அவங்கள நம் விளையாட்டில் சேர்த்துக்கொள்ளவில்லையே அதுதான் காரணமாயிருக்கும் என்றதும் க்ளுக்கென்று சிரித்தவளும் நானும் மீண்டுமோர் கள்ளாட்டம் விளையாட ஆரம்பித்திருந்தோம்..

இந்தா பிடி..விருதுகள் 2011

2011-12-06T21:52:00.001+04:00

கூடங்குளம், பால் விலை உயர்வு, பஸ்கட்டண உயர்வு,மின்கட்டண உயர்வு, பெட்ரோல் விலை உயர்வு, இவ்வளவையும் எதிர்த்து தங்கள் வாழ் நாட்களை கடத்திக்கொண்டிருக்கும் பொதுமக்கள் ஒவ்வொருவரும் போராளிகளே..

நன்றி..

கிளியூர்

2011-12-03T00:14:00.001+04:00

ஒரு தடவை சொல்வாயா? - தொலை(யாத)பேச்சுக்கள் - 2

2011-11-30T22:36:00.001+04:00

தொலையாத பேச்சுக்கள் பகுதி-1 தொடர்ந்து இரண்டாவது பாகம் தொடர்கிறது......

ம் சரிதான் ஆனா ஆனா நான் உன்னை மாதிரி இல்ல வினய் ''நான் உனக்கு மேட்ச் இல்ல'' அதனால அதனால...அதனால நீ ரொம்ப பாவம் என்றாள்.

ஆமா நான் பாவம்தான் ''நான் மட்டுமில்லை இந்த உலகத்தில் இருக்கும் அத்தனை ஆண்களுமே பாவம்தான் ஆனால் தனக்கென்று ஒருத்தி வந்தபிறகு அவளின் புன்னகைகளை புண்ணியங்களாக பெற்று மோட்சம் அடைந்துவிடுகிறார்களே''.

வாவ் என்ன ஒரு எக்ஸ்ப்ளனேசன் வினய்,'' யூ கிரேசி. நீ சுவாரஸ்யமாவும் நிறையவும் பேசற வினய்.''

ஆனா,'' நான் நிஜத்துல மூடி டைப் மெர்சி.''

அப்படியா?,''ஹார்லிக்ஸ் பாட்டில் மூடி டைப்பா? இல்ல பூஸ்ட் பாட்டில் மூடி டைப்பா?'' என்று கேட்டுவிட்டு பலமாக சிரித்துவிட்டாள் மெர்சி கூடவே வினயும் சிரித்துவிட்டான்.

ம் ஆமா நீ பார்க்கத்தானே போகிறாய் வரும்போது கண்டிப்பா நீ சொன்னதுக்காகவே மூடி டைப்ல இருக்கிற கேப் போட்டு வருகிறேன்.

ஆமாவா?

ஆமா , நீ பேசறது எப்படியிருக்கு தெரியுமா மெர்சி?,'' முந்திரிப்பருப்பு இல்லாத முந்திரிப்பழமும் இல்லாத வெறும் பாயசம் சாப்பிட்ட மாதிரியிருக்கு.''

ஏன் அப்படி சொல்ற வினய் ?

ஆமா,'' பேசறப்போ மாமான்னு சேர்த்து சொன்னா அது முந்திரிப்பருப்பு அத்தோட அந்தப்பேச்சுல காதல் கலந்திருந்தா அது முந்திரிப்பழம்.'' எங்க ஒரு தடவை மாமான்னு கூப்பிடேன்.?

அய்யிய்யோ , எனக்கு அப்படி கூப்பிட வெட்கமா இருக்கு வினய்,

சரி விடு உனக்கெப்போ கூப்பிடணும்ன்னு தோணுதோ அப்போ கூப்பிடு அதுவரைக்கும் நான் வெறும் பாயசமே சாப்பிட்டுக்கிறேன்.

''ஒகே அப்றம்.''

''நீதான் சொல்லணும்''

''என்ன சொல்லணும்?''

''எதாவது சொல்லு மெர்சி''

''ஒன்னுமில்லையே''

ஒன்னுமில்லையா? அப்போ வச்சிடறேன் திரும்ப நாளைக்கு கூப்பிடறேன். லவ் யூ டியர் டேக் கேர் பை. ஆங் மறந்துட்டேன் உன்னோட போட்டோஸ் இன்னிக்காவது மறக்காம மெயில் பண்ணிடு மெர்சி.

''ஒகே மாமா ஐ லவ் யூ பை..''

இதெப்படியிருக்கு தெரியுமா எங்கேயும் எப்போதும் படத்துல ஜெய்கிட்ட அஞ்சலி சொல்ற ஐ லவ் யூ மாதிரியிருக்கு இது எனக்கு வேணாம் நீயே வச்சுக்கோ..

ஒகே பை..

- யாரிந்த மெர்சியும் வினயும் அடுத்த பாகத்தில் தொடரும்

Cast Away - ஒரு பார்வை

2011-11-28T22:38:00.001+04:00

அப்பாவின் அறிமுகத்தின் பேரில் பார்த்த திரைப்படம் Cast Away இந்த உலகில் சில மனிதர்களுக்கு தனிமை மிகவும் பிடித்த விஷயமாக இருக்கலாம் பலருக்கு தனிமையில் இருப்பது வெறுமையாகவும் தோன்றும் . தமிழில் தனிமையிலே இனிமை காணமுடியுமா? என்ற பாடல் கூட இருக்கிறது. சிலரால் ஒரு ஐந்து நிமிடம் யாரிடமாவது பேசாவிட்டால் எதையோ இழந்ததைப்போல் இருப்பார்கள் ஐந்து நிமிடத்துக்கே இப்படியென்றால் ஒருவன் மனிதர்கள் இல்லாத தீவில் தன் வாழ்நாளின் நான்கு வருடங்களை கழிக்கிறான். எப்படி அவன் நான்கு வருடங்கள் வெளி உலகத்தோடு எந்த ஒரு தொடர்பும் இல்லாமல் அந்தத்தீவில் கழிக்கிறான் என்பதுதான் இத்திரைப்படம்.

ஹாலிவுட் அகாடமி அவார்டான ஆஸ்கார் இரண்டு முறை வென்ற நாயகன் தி கிரேட் Tom Hanks இதில் நடிகராக நடித்திருக்கிறார் என்று சொல்வதைவிட வாழ்ந்திருக்கிறார் என்று சொல்வதே சரி. ஒரு நான்கு வழிச்சாலையில்தான் படம் ஆரம்பிக்கிறது. நாயகன் Tom Hanks FedEX கூரியர் நிறுவனத்தில் எக்ஸ்கியூட்டிவாக பணி புரிகிறார். தன்னுடைய அலுவலகத்தில் எல்லாமே குறித்த நேரத்தில் நடைபெறவேண்டும், நேரமும் டைம் மேனேஜ்மெண்டும் முக்கியமானது என்று சொல்பவர். தன் காதல் மனைவியுடன் காதலாக வாழ்க்கை வாழ்பவர். ஒரு முறை தன் அலுவலக கூரியர்களுடன் தானும் விமானத்தில் பயணம் செய்கிறார் பயணத்தின் போது விமானம் விபத்தில் சிக்கி நடுக்கடலில் விழுகிறது விமானத்தில் பயணம் செய்த ஒருவரும் உயிர்தப்பவில்லை Tom Hanksஐ தவிர.விமானத்தில் அவசரகாலத்தில் தப்பிப்பதற்க்காக இருக்கும் மிதவையின் மூலம் ஒரு குட்டித்தீவினை அடைகிறார் Tom Hanks. அந்த தீவின் அந்த விமானத்தில் ஏற்றப்பட்டிருந்த சில கூரியர் பார்சல்களும் அவருடன் கரையேறுகின்றன.

அந்த தீவில் Tom Hanksஐ தவிர வேறு மனிதர்களே இல்லை மேலும் அந்தத்தீவொன்றும் கப்பல்கள் பயணப்பாதையிலும் இருக்கவில்லை வெளி உலகத்துடன் தொடர்புகொள்ள எந்த ஒரு வசதியும் இல்லை ஆனால் Tom Hanksசிடம் தன்னம்பிக்கை மட்டும் இருந்தது. தான் தப்பித்து வந்து மிதவையின் மூலமே திரும்ப கடலில் பயணிக்க முயற்சிக்கிறார் ஹும் பெரிய பெரிய அலைகளின் ஆர்ப்பாட்டத்தில் அந்த மிதவை தொடங்கிய இடத்திற்க்கே மீண்டும் வருகிறது Tom Hanks சோர்வடைகிறார் மீண்டும் மீண்டும் அங்கிருந்து தப்பிப்பதற்க்கு பல முயற்சிகள் எடுத்தும் அத்தனையும் தோல்வியடைகிறது. சுற்றிலும் கடல் நீர் இருந்தாலும் குடிப்பதற்க்கு கடல் நீரையா குடிக்க முடியும் ? அந்த தீவில் கிடைக்கும் தேங்காயை சாப்பிட்டு தேங்காய் நீரை குடித்து நாட்களை நகற்றுகிறார். வயிற்றுப்பசிக்கு கடல் மீன்களை பிடித்து தின்கிறார். இலைகளில் படிந்திருக்கும் மழை நீரை தேங்காய் ஓடிற்க்குள் சேகரித்து குடிக்கிறார் . எப்படியோ அந்த தீவில் அவர் வாழப்பழகிக்கொண்டார் எப்படியும் தான் தன்னிருப்பிடத்திற்க்கு திரும்பிவிடுவோம் தன் காதல் மனைவியை காண்போம் என்ற நம்பிக்கை அவரை விட்டு அகலவில்லை .

தன்னுடன் கொண்டுவந்திருந்த கடிகாரத்தில் இருக்கும் மனைவியின் புகைப்படத்தை பார்த்து சோகம் கொள்கிறார். நெருப்பை உருவாக்க மிகப்பிராயசப்படுகிறார் அப்படி ஒரு முறை முயற்சி செய்யும்பொழுது கையில் சதை கீறி இரத்தம் பீய்ச்சுகிறது வலிதாங்கமுடியாமல் தன்னுடன் கரையேறிய பார்சலில் இருக்கும் வாலிபாலை தூக்கியெறிகிறார். அடுத்தமுறை நெருப்பை உருவாக்கிவிட்டு ஐ மேட் ஃபயர் என்று சொல்லி ஆனந்தப்படுகிறார். அவரின் இரத்தக்கறை பட்டு தூக்கியெறியப்பட்ட வாலிபாலை காண்கிறார் அவருக்கு அது மனித முகத்தை ஞாபகப்படுத்துகிறது . அதை அந்த வாலிபால் தயாரித்த நிறுவனத்தின் பெயரான வில்சன் என்ற பெயராலே அழைக்கிறார் அதனுடன் பேசுகிறார் விவாதம் செய்கிறார் சண்டையில் தூக்கியெறிந்துவிடுகிறார் பிறகு தேடிக்கண்டுபிடித்து தன்னுடன் மீண்டும் வைத்துக்கொள்கிறார் . இப்படி ஆளில்லாத தீவில் அந்த வாலிபால் அவருக்கு சிறந்த நண்பனாக இருக்கிறது.

இப்படியாக நான்கு ஆண்டுகள் கழிந்திருக்கையில் ஏதோ ஒரு விபத்து ஏற்பட்டு அதன் மூலம் அந்தக்கரையை வந்தடைந்த ஒரு பிளாஸ்டிக் கூரையினை பார்க்கிறார் , மரங்களாலான ஒரு படகு தயாரிக்கிறார்.காற்று வீசும் திசை தனக்கு சாதகமான நாட்களுக்காக காத்திருக்கிறார் அப்படி ஒரு நாள் வந்ததும் அந்த தீவை விட்டு தப்பிக்கிறார் தன் நண்பன் வில்சனுடன். அப்படி கடலில் மிதந்து வரும் வழியில் புயல் காற்று காரணமாக வில்சனை பறிகொடுத்துவிட்டு அவர் அழும் காட்சி நம்மையே அழ வைக்கிறது. எப்படியோ Tom Hanks தன்னுடைய இருப்பிடத்திற்க்கு திரும்புகிறார்.

மீண்டு வந்த Tom Hanksற்க்கு மிகப்பெரிய அதிர்ச்சி காத்திருக்கிறது. தான் இறந்துபோய்விட்டதாக நினைத்து தன் காதல் மனைவி இன்னொரு திருமணம் புரிந்து வேறொரு கணவர் குழந்தையுடன் வாழ்ந்துவருவதை கண்டதும் உடைந்து போகிறார். அந்த சமயத்தில் உறவினர்கள் நண்பர்கள் அனைவரும் அவருடன் இருக்கிறார்கள் ஆனால் தனிமையில் இருப்பதைப்போல உணர்கிறார். தான் திரும்பி வந்துவிட்டதற்க்காக தரப்பட்ட விருந்துபசரிப்பில் மீந்து போன உணவுகளைப்பார்த்து சிரிக்கிறார் . படத்தை எந்த நான்கு வழிச்சாலையில் ஆரம்பித்தார்களோ அதே நான்கு வழிச்சாலையில் முடித்து முடிவை நம் பார்வைக்கு விட்டுவிடுகிறார்கள். நிஜத்தில் தன்னுடன் நெருங்கிய நண்பர்கள் உறவினர்கள் இருந்தும் யாருமே இல்லாதது போன்று கைவிடப்பட்ட நிலைதான் இந்த Cast Away.

கண்டிப்பாய் பார்க்கவேண்டிய திரைப்படம்.

படம் வெளிவந்த வருடம் - 2000

பி.கு. வில்சனைப்போலவே இதுவரை என்னுடைய கருத்துக்கள் நினைவுகள் மொக்கைகள் அத்தனையையும் பகிர்ந்து கொண்டதாலும் என் தனிமையை போக்கியதாலும் என்னுடைய பிளாக் டிஸ்க்ரிப்சனை ப்ரியமுடன் வசந்த் aka wilson என்று மாற்றியதோடு மட்டுமில்லாமல் இதுவரை சுணங்கியிருந்த பதிவிடுதலை என் வருங்கால மனைவி கொடுத்த உற்சாகத்தின் பேரில் அவர்களுக்காகவே என் மனதில் தோன்றிய அத்தனை விஷயங்களையும் தினமும் ஒன்றாக முடியாவிடினும் ஒரு நாள் விட்டு ஒரு நாள் இனி பதிவுகள் இடப்போகின்றேன் கமெண்ட்ஸ்களுக்காகவோ ஹிட்ஸ்களுக்காகவோ அல்ல அல்ல அல்ல....இதுவரை ரீடரில் தொடர்ந்து வாசித்து வரும் நண்பர்களுக்கும் கமெண்ட்ஸ் இட்ட நண்பர்களுக்கும் நன்றி.

தொலை(யாத)பேச்சுக்கள்...

2011-11-26T23:01:00.001+04:00

அழகான காதலி காதலன் இருவருக்கும் இடையே நடக்கும் தொலைபேசி காதல் உரையாடல் - உங்களுக்கு பிடிக்கலாம் பிடிக்காமலும் போகலாம் வெறும் அன்பு,பிரிவு உணர்ச்சிகள்,கவிதைகள்,புரிதல்கள் மட்டுமே நிறைந்த ஒரு முடிவில்லா தொடர்கதை ,

மெர்சிக்கு ஒரு குட் மார்னிங் மெச்சேஜ் அனுப்பிவிட்டு காத்திருந்தான் வினய்,

''பெண்ணல்ல பெண்ணல்ல ஊதாப்பூ'' என்று ஒலித்தது வினயின் செல்போன் மெர்சிதான் அழைத்தாள் எடுத்து ஹலோ என்றான் வினய்,

ஏண்டா, லூசா நீ? மணியென்ன இப்போ?

''எட்டு மணியாவது மெர்சி''

''ராத்திரியா? காலையா?''

''காலை எட்டு மணி''

ம்க்கும், ''ஊருக்கே இராத்திரியாம் இவருக்கு மட்டும் காலை எட்டு மணியாம்'', ஏண்டா உனக்கு கிறுக்கா பிடிச்சிருக்கு? இப்போ ஏன் குட் மார்னிங் மெச்சேஜ் அனுப்பின?

ஆமா, எனக்கு உன் கிறுக்கு பிடிச்சிருக்கு.''நிலா உறங்கும்பொழுதுதான் பொழுது விடியும்''ன்னு உனக்கு தெரியாதா?

ஹைய்யோ ஹைய்யோ, ''உன் கிறுக்குத்தனத்துக்கு அளவே இல்லியா? என்னை அவ்ளோ பிடிக்குமா உனக்கு?''

ஆமா, ''தெரியாதா உனக்கு?''

ம்ஹ்ஹும் என்னை எவ்வளவு பிடிக்கும் வினய் உனக்கு?

நீதான் ஜன்னல் எல்லாம் திறந்து வைத்து தென்றல் காற்றின் தழுவலோடு நிலாவையும் வானத்தையும் ரசித்துக்கொண்டே தூங்குகிறவளாச்சே அந்த நட்சத்திரங்களையெல்லாம் எண்ணிப்பார் ''நிலாவை சுற்றியிருக்கும் நட்சத்திரங்களை எண்ணிக்கையளவுதான் உன்னையும் எனக்கு பிடிக்கும்,''

''ஹைய்யோ ஹைய்யோ'' முடியலடா எப்படி இப்படிலாம் ,

ஒரு விஷயம் உன்கிட்ட கேட்கணும் மெர்சி,

''கேளு வினய்''

''நான் அங்க இருக்கேனா?''

வினய்உனக்கே இது கொஞ்சம் ஓவரா தெரியல?

''கேட்டதுக்கு பதில் சொல் மெர்சி''

''தெரியலியே''

ம் சரி, ''என்னோட பெயரோட முதல் இன்ஷியல் ஆங்கில எழுத்து ''V'' உன் வீட்டில் எங்காவது இருக்கிறதா பார்த்து சொல்வாயா?''

ம்ம் வீட்டை சுற்றும் முற்றும் பார்த்துவிட்டு ம் ''இருக்கு இந்த ஜன்னல் கம்பி டிசைன்ஸ் எல்லாம் ''V'' ஷேப்லதான் இருக்கு'' அதுக்கென்ன இப்போ?

அப்போ,'' நான் உன் வீட்டு ஜன்னல்ல எப்பவும் உன்னை பார்த்திட்டே இருப்பேன் உன்னை தழுவும் தென்றல் காற்று கூட இனி என் அனுமதி பெற்றுதான் உன்னை தீண்டும்'', இல்லியா?

ஓஹ் அய்யா சுத்தி வளைச்சு அப்படி வர்றீங்களா?

ஆமா இனி என்னோட டயலர் ட்யூன் ''என் வீட்டுத்தோட்டத்தில் பூவெல்லாம் கேட்டுப்பார் உன் வீட்டு ஜன்னல்கம்பி எல்லாமே கேட்டுப்பார்'' இதான் ஓகேவா?

ஷ்ஷப்பா,'' எவ்ளோ ஷார்ப்டா நீ?''

ம் ,''வேறெங்கல்லாம் ''V'' ஷேப் இருக்கு மெர்சி?''

ம்ம்,''வேற எங்கயும் இல்லியே?''

நல்லா பார் மெர்சி, ''இருக்கும்''

நல்லா பார்த்துட்டேண்டா ''எங்கயும் இல்ல''

சரி, ''நீ இப்போ என்ன ட்ரெஸ்ல இருக்க?''

ம் சுடிலதான்

வித் சால் ஆர் விதவுட் சாலா?

கிர்ர்ர் ,''டேய் நீ ரொம்ப ஓவரா போற, சால்போட்டுத்தாண்டா இருக்கேன்'',

அப்படியா? ''அப்படின்னா ஒன்னு செய் உன்னோட ரூம்ல இருக்கிற கண்ணாடி
முன்னாடி போய் பார் அங்க ஒரு ''V'' இருக்கும்''

அடடடா, ''புரிஞ்சது வினய் புரிஞ்சது கண்ணாடி பார்க்காமலே புரிஞ்சது'', உனக்கு மட்டும் எப்படி வினய் இப்படி ரொமாண்டிக்கா பேசவருது?

'உன்கிட்ட பேசறப்போ மட்டும் வார்த்தைகள் அதுவா வந்து விழுது நான் என்ன செய்யட்டும்? மெர்சி,''

''கடவுளே''

ம்ம்..,'' நல்லா சத்தமா கூப்பிடு ஆனா கூப்பிட்டது மன்மதக்கடவுளா மட்டும் இருக்கட்டும்'',

ஆமா, ''யார் அந்த மன்மதக்கடவுள் ?அப்படி ஒரு கடவுளை நான் கேள்விப்பட்டதே இல்லியே?''

அவர்தான் ''காதல் இல்ல காமக்கடவுள்'', அவரோட மனைவி பேர் ரதி,

ஓஹ் ''அதான் நீ அடிக்கடி என்னை ரதின்னு கூப்பிடறியா?''

ஆமா, ''சரியாத்தானே கூப்பிடறேன்?''

ம் சரிதான் ஆனா ஆனா நான் உன்னை மாதிரி இல்ல வினய் ''நான் உனக்கு மேட்ச் இல்ல'' அதனால அதனால...

-தொடரும்

மாலையில் யாரோ மனதோடு பேச..!

2011-11-12T23:31:00.001+04:00

கலிங்கத்துப்பரணி

2011-11-06T23:47:00.000+04:00

ஜூலை 17, 1999

அன்புள்ள கணவருக்கு ஆயிரம் புன்னகைகள், நான் எழுதிய அத்தனை கடிதங்களையும் விட இந்த கடிதம்தான் மிகவும் சிறப்பானது. நான் உங்களோடு காவிரிக்கரையில் ஆடிய தருணம் , கடலலையோடு கூடிய தருணம் , காதல் மொழி பேசியே கழிந்த தருணம், காற்றுக்கு வழிவிடாது அணைத்த தருணம் எல்லா நினைவுகளும் என் நெஞ்சில் இருக்கின்றன.உங்களைப்பிரிந்த இந்த ஆறுமாதங்களும் அந்த நினைவுகளே என்னை உயிரோடு வைத்துள்ளன. நீங்கள் செய்து தந்த கிளிஞ்சல் கிளிகளை பார்த்து பார்த்துதான் மோட்சம் அடைகிறது என் ஆவி. - (கணவர் மீது தனக்கிருக்கும் காதலை வெளிப்படுத்துகிறாள்)

நீங்கள் துப்பாக்கியுடன் தான் அதிகம் காதல் பழகினீர்கள் அடுத்து என்னுடன். உங்கள் துப்பாக்கிமனைவிக்கு தோட்டாக்கள் பிறந்தது போல தூரத்து மனைவிக்கும் தங்கத்தோட்டா பிறந்துள்ளது ஆம் ஆண் குழந்தை, உங்களைப்போலவே நீண்ட விரலுடனும், சைனா மோப்புடனும் அவன் இப்பொழுதே கை கால்களை உதறி விளையாடும்போதே தெரிகிறது அவனும் உங்களைப்போலவே இராணுவ வீரனாக வருவான் என்று.உங்களைப்போல சாதாரண வீரனாக அல்லாமல் இவனைப்படிக்க வைத்து உயர் அதிகாரியாக்க வேண்டும் என்பதே என் எண்ணம். இவனை நம்முடைய காதல் சின்னமாக மட்டும் நான் பார்க்கவில்லை உங்களுடைய வீரத்தின் சின்னமாகவும் பார்க்கிறேன் நம் தேசத்தின் மகனாக இவனை பார்க்கிறேன். - (கணவரின் வீரத்தைப்பற்றி பறை சாற்றுகிறாள்)

இப்பொழுதே இவனை இராணுவ உடையில் பார்க்க ஆசைப்படுகிறேன் ஏனெனில் உங்களை முதன் முதலில் அந்த உடையில்தான் பார்த்தேன் புகைப்படம் மூலமாக , அந்த உடையில் இருந்ததால்தான் உங்களை திருமணம் செய்யவே ஒப்புக்கொண்டேன் திருமணத்தில் கூட இராணுவ உடையில்தான் உங்கள் கரங்களை பற்ற நினைத்தேன் ஆனால் சம்பிரதாயங்கள் தடுத்ததால் சந்தோஷ தருணத்திலும் சிறு வருத்தம்.நீங்கள் சென்ற முறை காஷ்மீரிலிருந்து வாங்கி வந்த உடையைத்தான் உங்கள் வாசத்தைக்காட்டும் பரிசாக நம் மகனுக்கு அளித்துள்ளேன். நமக்கு பிடித்த விடுதலைப்போராட்ட வீரர் நேதாஜி சுபாஷ் சந்திரபோஸ் அவர்களின் பெயரைத்தான் சூட்ட நினைத்தேன் , எத்தனைக்காலங்கள்தான் பழம் பெருமைகளை பேசிக்கொண்டிருப்பது எனவே சென்ற முறை போரில் மடிந்த உங்கள் சீனியர் ஆபிசர் மேஜர் சரவணன் பெயரை சூட்ட முடிவெடுத்துள்ளேன் இவனும் அவரைப்போலவே சிறந்த வீரனாக வருவான் என்று நம்புகிறேன். - (தேசத்தின் மீது தனக்கிருக்கும் நாட்டுப்பற்றை தெளிவு படுத்துகிறாள்)

போர் நெருங்கிக்கொண்டிருக்கும் இந்த வேளையில் நான் தினமும் கோவிலுக்கு சென்று கொண்டிருக்கிறேன், உங்கள் உயிரைக்காக்க வேண்டும் என்று வேண்டிக்கொள்வதற்க்கு அல்ல தங்களின் ஒரு சொட்டு இரத்தம் கீழே விழுவதற்கு முன்பு குறைந்தது ஆயிரம் எதிரிகளின் குருதி குடிக்கப்பட்டிருக்க வேண்டும் என்ற வரம் கேட்டு, நம் நாட்டின் ஒரு பிடி மண்ணைக்கூட அந்த திமிர்க்கூட்டம் அள்ளக்கூடாது , அந்தக் குள்ளநரிக்கூட்டத்தின் நிழல் கூட இந்த மண்ணில் படக்கூடாது, நம் தாய்த்திரு நாட்டின் கொடி ஒரு அங்குலம் கூட தாழ்ந்து பறக்கக்கூடாது. கவலைப்படாதீர்கள் காளிதேவி அருள் புரிவாள், போரில் என் நினைவு வந்தால் உங்கள் துப்பாக்கியை முத்தமிடுங்கள் அது என்னைச்சேரும் , போரில் நீங்கள் இறந்து நாடு வெற்றி பெற்றிருந்தால் பெருமைப்படுவேன் நீங்கள் உயிரோடு இருந்து நாடு தோற்றிருந்தால் உங்கள் மனைவி என்று சொல்லிக்கொள்ளவே வெட்கப்படுவேன் , உங்கள் புகழைச்சொல்லித்தான் நம் மகனை வளர்க்க வேண்டும். ஆகவே உயிரோடு வருகிறீர்களோ இல்லையோ புகழோடு வாருங்கள் கர்ணனைப்போல் போரிடுங்கள் எதிரியிடம் சிக்கிவிடாதீர்கள் உங்கள் உயிரற்ற உடல் வேண்டுமானாலும் அவனிடம் சிக்கலாம் நீங்கள் சிக்கக்கூடாது. போருக்குகிளம்பும்போது என் கடிதத்தை படிக்க நேரமிருக்காதுதான் இருந்தாலும் ஒருமுறை என் கடிதத்தை முத்தமிடுங்கள். மறவாதீர் உங்களுக்குப்பிறகு இந்த நாட்டைக்காக்க இன்னுமொரு மாவீரன் பிறந்துவிட்டான் . துப்பாக்கிச்சத்தம் என் காதுகளில் ஒலிக்கிறது களம் புகுந்திடுங்கள் வெற்றி நாட்டுக்கே. - (கணவன் போர்க்களத்தில் துவண்டுவிடக்கூடாதென்று உத்வேகத்தையும் உற்சாகத்தையும் கொடுக்கிறாள்)

இப்படிக்கு தங்கள் மனைவி

ருத்ரா...

கலிங்கத்துப்பரணி என்ற குறும்படத்தில் இராணுவத்தில் பணியாற்றும் தன் கணவருக்கு ஒரு மனைவி எழுதுகின்ற கடிதம்தான் இது இதன் பிறகு வரும் இறுதி காட்சிகளை வீடியோவில் காணுங்கள்.

குறும்படம் பற்றி

நிறைய குறும்படங்கள் பார்ப்பதுண்டு மிகப்பிடித்த குறும்படங்கள் எல்லாவற்றையும் பிறகொருநாள் திரும்பவும் பார்த்து ரசிக்கலாம் என்ற நோக்கில் சேமித்து வைத்து வருகிறேன் அதுபோல இந்த குறும்படத்தையும் ஜஸ்ட் லைக்தட் என்று போய் விட முடியவில்லை. பதிவு செய்ய நினைத்தேன், செய்துவிட்டேன். A Genuine Cinema's Production's என்றுதான் ஆரம்பிக்கிறார்கள் உண்மையில் மிகவும் ஜெனுயூனாகத்தான் எடுத்திருக்கிறார்கள். இதில் நடிப்பை பற்றி கூறுவதற்கொன்றுமில்லை . இந்திய எல்லையில் போராடும் ஒவ்வொரு இராணுவவீரர்களுக்கும், அவர்களின் மனைவியருக்கும் என் சமர்ப்பணம் என்கிறார் இயக்குனர் ஹரீஷ் , கலிங்கத்துப்பரணியென்ற தலைப்பிற்க்கு அவர் சொல்லும் காரணம் கச்சிதம்.சொல்லவந்த கருத்திற்க்காகவும் சொல்லியவிதத்திற்க்காகவும் இயக்குனர் ஹரீஷ்ற்க்கு பாராட்டுகளும் நன்றிகளும் வெல்டன் ஹரீஷ்...! இசை பாண்டிச்சேரி yoofoone studio வைச்சேர்ந்த சுரேஷ் சபாபதியும் , ரவி பிரசாத்தும் அழகாக இசை கோர்த்திருக்கிறார்கள் இறுதிக்காட்சியில் சரியாக 6.45ல் ஆரம்பிக்கும் வயலின் இசை அட்டகாசம் அந்த இடத்தில் காட்சிக்குமட்டுமல்ல இந்த குறும்படத்திற்க்கே உயிர்கொடுத்திருக்கிறார்கள் பாராட்டுக்கள்..!

இறுதியாக என் கிராமத்தில் இருக்கும் மக்களில் 25 சதவிகிதம் பேர் இராணுவத்தில் பணிபுரிகிறவர்கள்தாம், நண்பர்களின் தந்தைகள், என் வகுப்பறை தோழர்கள், பக்கத்துவீட்டு நண்பர்கள், அடுத்த தெரு நண்பர்கள் , என எங்கள் ஊரிலிருந்து இராணுவத்தில் பணியாற்றும் அத்தனை சகோதரர்களுக்கும் அவர்களின் மனைவியர்க்கும் இந்த நேரத்தில் என் நன்றிகளை தெரிவித்துக்கொள்கிறேன்.

ஜெய்ஹிந்த்..!

தீபாவளி வாழ்த்துகள்..!

2011-10-26T01:20:00.000+04:00

பதிவுலக நண்பர்கள், உறவுகள், வாசக வாசகியர்கள், ரசிக ரசிகைகள் அனைவருக்கும் இனிய தீபாவளி வாழ்த்துகள்..!

இரத்தத்தின் இரத்தமே... இனிய உடன் பிறப்பே..!

2011-10-17T01:13:00.002+04:00

யாவரும் நலம் சுசி சாதாரணமா பிளாக்ல கமெண்ட் போட்டுதான் அறிமுகமானாங்க...ஆரம்பத்தில இருந்து இப்போ வரையிலும் ஒரே மாதிரி அதே சகோதர பாசத்தோட பழகுறவங்க, இவங்களுக்கு நிறைய ஃப்ரண்ட்ஸ் இருக்காங்க அதுல நானும் ஒருத்தன் அப்படின்றதில பெருமையெனக்கு பின்ன நார்வேல எனக்கு ஒரு அக்கா இருக்காங்க அப்படின்னு எல்லார்கிட்டயும் காலர் தூக்கிவிட்டு பெருமையடிச்சுகிடலாம் இல்லையா?...!

இவங்ககிட்ட பிடிச்சது என்னன்னா? என்னைப்போலவே எந்த ஒரு விஷயமானாலும் அது சந்தேகமா இருந்தாலும் சண்டையா இருந்தாலும், பிளாக் பற்றிய விஷயமானாலும் மெயில்லயோ சாட்லயோ ஸ்ட்ரெயிட்டா கேட்டிடுவாங்க..என்னோட பல மொக்கைகளை சூப்பர்ன்னு நிறைய தடவை சொல்லி பலரோட வயித்தெரிச்சலை வாங்கிக்கட்டிக்கிட்டவங்க...!இது வரைக்கும் இவங்களுக்கு பொறாமையோ இல்லை கோவமோ வந்து பார்த்ததில்லை. என்னோட பிளாக்குக்கு கமெண்ட் போட்டா உன் பிளாக்குக்கு கமெண்ட் போடுவேன் அப்படின்ற உள்குத்து வேலையெல்லாம் இவங்களுக்கு தெரியாது பிடிச்சுருந்தா கமெண்ட் போடுவாங்க...!

என்னோட மொக்கைகள், கவிதைகள், சில கிரியேட்டிவ் பதிவுகளின் வளர்ச்சியில இவங்களுக்கும் பங்கிருக்கு..( ஓ இவங்களைத்தான் தேடிட்டு இருக்கோம் அப்படின்னு யாரும் அட்ரஸ் கேட்டு ஆட்டோ பிடிச்சு போய்டாதீங்க பாவம் எனக்காக அவங்கள மன்னிச்சு விட்டுடுங்க ப்ளீஸ்).. முக்கியமா ஒரு விஷயம் கர்ப்ப கால காதல் அப்படின்ற ஒரு போஸ்ட் படிச்சுட்டு அதுபத்தி என்கிட்ட அவங்க கேட்டது தம்பி இவ்ளோ நாளா ஒன்னா மண்ணா பழகிட்டு கல்யாணம் ஆனதை என்கிட்ட சொல்லவேயில்ல பாரு அப்படின்னு ஒரு கேள்விய கேட்டு என்னை ஒரு வழி பண்ணிட்டாங்க அப்பவும் இப்பவும் நான் சொல்றது ஒன்னே ஒன்னு கண்ணே கண்ணு கற்பனை அப்படின்ற விஷயம் .. அதுக்கப்பறம் அதுபத்தியெல்லாம் கேட்கமாட்டாங்க..

எனக்கு தெரிஞ்சு என்னைபத்தி எல்லா விஷயமும் இவங்களுக்கு தெரியும் அவங்களைப்பத்தி அவங்க பிளாக் வச்சே கண்டுகினலாம் அவ்ளோ அழகா ஒரு குடும்பத்தில நடக்குற விஷயங்களை சுவாரஸ்யமா எழுதுவாங்க , பதிவுகளுக்கு இவங்க வைக்கிற தலைப்புகளும், லேபில்களும் ரசனையா இருக்கும் கமெண்ட்ஸ் மத்தவங்களுக்கு போடறதும் சரியா இருக்கும் யாரோட மனசும் புண்படாம வாழ்த்தா இருந்தாலும் பாராட்டா இருந்தாலும் அள்ளி அள்ளி கொடுக்குற மனசு..(அக்கா மறக்காம நார்வேல என் பேர்ல ரெண்டு கிரவுண்ட் எழுதி வச்சிடணும் நீங்க சொன்ன மாதிரியே எழுதிட்டேன்)

பிளாக் நண்பர்கள் அப்படின்னா என்னை பொருத்தவரைக்கும் எல்லார்கிட்டயும் சொல்றது ரயில் சிநேகம் அப்படின்னுதான் ஆனா இவங்க மட்டும் என்னோட லைஃப் ஃபுல்லா சிநேகமா பாசமா இருக்கணும்ன்னு விரும்பறேன் நாளைக்கே ச்சே இன்னிக்கே அக்கா மெயிலுக்கு என்னைப்பத்தி இவன் ரொம்ப மோசமானவன் இவன்கிட்ட உனக்கென்ன பழக்கம் வேண்டியிருக்கு அப்படின்னு தப்பா பெட்டிஷன் ரிப்பீட் பண்றவங்க நோட் பண்ணிக்கங்க..நீங்க என்ன சொன்னாலும் என்னை உபி என்று அழைப்பதை அவங்க யாருக்காகவும் எதுக்காகவும் விட்டுக்கொடுக்க மாட்டாங்க..

இன்னிக்கு அக்காவுக்கு பிறந்தநாள் ரொம்ப நாளைக்கு மாமா குணாவோடயும் குழந்தைகள் சதுர்ஜன்,அம்முவோடு பல்லாண்டு காலம் தீர்க்காயுசாக சந்தோஷமாக இருக்க வேண்டும் என்று பிறந்தநாள் வாழ்த்துகள் கூறி ஆசிகளையும் வாங்கிக்கொள்கிறேன்.. Many More Happy Returns Of The Day..!

இவர்கள் விஜயின் தீவிர ரசிகை..!

கற்பனை செய்யாமல் கட்டிலில் ஏறாதே..! (U/A)

2011-10-14T10:23:00.000+04:00

நாயகன் கிஷோருக்கும், நாயகி ஜமுனாவுக்கும் இடையில் நடக்கும் காதல் உரையாடல்கள்..!

ஹேய் கிஷோர் என்னப்பா நீ இன்னிக்கு நம்ம கல்யாண நாள் , நான் இங்க நம்ம வீட்டுல ரொம்ப நேரமா தனியா உனக்காக காத்துக்கிட்டு இருக்கேன் நீயென்னடான்னா ஆடி அசைஞ்சு வர்ற என்னைப்பார்த்தா உனக்கு பாவமா தெரியலியான்னு ஜமுனா கேட்கவும் , ம்ஹ்ஹும் ''உன்னைப்பார்த்தா எனக்கு பேரழகியாத்தான் தெரியுது, பாவமா தெரியலியேன்னு'' கிஷோர் சொல்லவும் ஏற்கனவே கோபத்தில் இருந்த ஜமுனாவின் முகம் சிவந்தது , ஹைய்யோ உனக்கு வெட்கப்படவெல்லாம் தெரியுமா? என்று கிஷோர் சொன்னதும் நீ என்னை எவ்ளோ ஐஸ் வச்சாலும் இன்னிக்கு உனக்கு தரவேண்டிய வழக்கமான லஞ்சம் கிடையவே கிடையாது ஐ ஹேட் யூ என்றவாறே விறு விறுவென்று சமையலறை நோக்கி நடக்க ஆரம்பித்த ஜமுனாவை பின் தொடர்ந்தபடியே சென்ற கிஷோர் ''ஓஹ் பார்ட்டி நல்ல பார்ட்டிதான் ஓஹ் பியூட்டியின்னா பியூட்டிதான் பின்னழகை காட்டி சின்ன பையனைத்தான் வாட்டி செல்லும் மஞ்சள் நிலா என்னைக்கொல்லாதே'' என்ற இதயம் திரைப்படத்தில் வரும் பாடலை பாடவும் எவ்வளவு வேகமாக நடந்தாளோ அவ்வளவு வேகத்தில் திரும்ப வந்து அவனை கட்டிப்பிடித்துக்கொண்டாள் இந்த சின்ன சந்தோஷத்திற்க்கு பாட்டெல்லாம் படிக்க வச்சுட்டியே செல்லம் என்று கிஷோர் சொல்ல, அதுக்கு பரிசா இந்தா வச்சுக்கோ வழக்கமா தர்ற லஞ்சம்தான் ஆனா இது கொஞ்சம் ஃப்ரஞ்ச் மெத்தட் என்று ஜமுனா சொல்லவும் ஓஹ் ''ஆனா இது கையூட்டு கிடையாது வாயூட்டு'' ஹ ஹ ஹா என்று சிரிக்க ஆரம்பித்தான் கிஷோர் அதிகப்படியாக வெட்கப்பட்டுக்கொண்டிருந்தாள் ஜமுனா..!!!!

ஹாலில் உட்கார்ந்திருந்த கிஷோர் ஹேய் ஜம் இன்னிக்கு ஜம்ம்னு இருக்க என்னடி விசேஷம் என்றான் ஒன்னுமில்லை என்றவளிடம் இங்க பாரு நான் உன்னோட பெயரை சுருக்கி எவ்ளோ அழகா ஜம் ஜம்ன்னு கூப்பிடறேன் நீ என்னோட பெயரை செல்லமா சுருக்கி கூப்பிட மாட்டியா? ஓஹ் அப்படியா? சரி கூப்பிடறேன் கிஷ் என்று கூப்பிட்டு முடிந்ததும் நாக்கை கடித்துக்கொண்டு அய்யய்யோ நீ ப்ளான் பண்ணித்தான் என்னை அப்படி கூப்பிடச்சொன்ன இல்ல நான் கூப்பிட மாட்டேன்ப்பா இப்போவே உன் இம்சை தாங்கலை அப்படி கூப்பிட ஆரம்பிச்சா எத்தனை தடவை கூப்பிட்டேனோ அத்தனை கிஷ் கொடுத்து என்னை ஒரு வழி பண்ணிடுவ ஆள விடு சாமி என்று ஜமுனா ஓடி ஒழிய சரி சரி இப்போ இரண்டு தடவை கூப்பிட்டதுக்கு என்ன பண்றது என்று கிஷோர் கிண்டல் பண்ணியபடியே அவளை நோக்கி சென்று அந்த இரண்டு கிஷ்சும் பெற்றுக்கொண்டான்..!

ஒரு விளையாட்டு இருக்குஅதில் நான் ஜெயித்தால் நான் சொல்லுவதெல்லாம் நீ கேட்க வேண்டும் நீ ஜெயித்தால் நீ சொல்வதெல்லாம் நான் கேட்ப்பேன் என்று கிஷோர் ஜமுனாவிடம் சொல்லவும் என்ன விளையாட்டு என்று ஆர்வமாக கேட்டவளிடம் ''உனக்கு பிடிச்ச Munch சாக்லேட் இருக்கு இல்லியா அதை அப்படியே முழுசா வாய்ல இருந்து வெளிய எடுக்காம கைகளால் தொடாம கொஞ்சம் கொஞ்சமா சாப்பிட்டு முடிக்கணும் ரெடியா?'' என்றான் சரி என்றவளிடம் லேடீஸ் ஃபர்ஸ்ட் என்றபடி ஒரு சாக்லேட் எடுத்து கொடுத்தான் வாயில் சாக்லேட் வைத்து சாப்பிட ஆரம்பித்தவள் ஒரு லெவலுக்கு மேல் சாப்பிட இயலாமல் முழித்தவளிடம் கேன் ஐ ஹெல்ப் என்றான் ம்ம்ம் என்ற சத்தம் மட்டும் வந்தது சாக்லேட்டின் மறுமுனையை கிஷோர் சாப்பிட ஆரம்பிக்க சாக்லேட் தீர ஆரம்பித்திருந்தது இருவரின் உதடுகளும் இணையும் வேளையில் அவர்கள் முத்த சாக்லேட் சாப்பிட ஆரம்பித்திருந்தார்கள்..!

அழகான விடியலுக்கு பின் நன்றாக தூங்கிக்கொண்டிருந்த ஜமுனாவின் அருகில் அமர்ந்து அவளின் முகத்தில் விழுந்திருந்த தலை முடியை ஒதுக்கிவிட்டபடி இருந்தான் கிஷோர் ஜமுனாவோ விசும்பியபடியே இருந்தாள் , அறையில் ''இருபது கோடி நிலவுகள் கூடி பெண்மையானதோ'' பாடல் ஒலித்துக்கொண்டிருந்தது பாடலின் இடையில் ''மானிடப்பிறவி என்னடி மதிப்பு உன் கால் விரல் நகமாய் இருப்பதே சிறப்பு'' என்ற வரியோடு தானும் பாடினான் கிஷோர் அதெப்படி முடியும் என்று சிணுங்கலாய் கேட்டவளிடம் போர்வையை விலக்கி உன் கால்களைப்பார் என்றான் அவளின் இரண்டு கால்களின் பெருவிரல் நகங்களிலும் அவனுடைய சின்ன ஸ்டாம்ப் சைஸ் பாஸ்போர்ட் புகைப்படத்தை ஒட்டியிருந்தான் அதைப்பார்த்து ஹைய்யைய்யோ என்றபடியே ஏன் இது மாதிரிலாம் பண்ற கிஷோர் ப்போ எனக்கு வெட்கமா இருக்கு என்றபடி அவன் கன்னங்களில் செல்ல முத்தமிட்டு தோள்களில் சாய்ந்து கொண்டாள்..!

கிஷோர் ஜமுனா இருவரும் ஹாலில் உள்ள சோஃபாவில் அமர்ந்து அலை பாயுதேவில் வரும் சிநேகிதனே சிநேகிதனே பாடல் பார்த்துக்கொண்டிருந்தனர் அதில் ஷாலினி பாடும் பாடல் வரிகளை அவளிடம் சொல்லி விளக்கிக்கொண்டிருந்தவன் ''உப்பு மூட்டை சுமப்பேன்'' என்ற வரிகளை சொன்னதும் சிரிக்க ஆரம்பித்தாள் ஜமுனா என்னால முடியாதுப்பா நீ என்னை விட 30 கிலோ ஜாஸ்தி என்றாள், நீ சுமக்காட்டின்னா என்ன நான் உன்னை உப்பு மூட்டை சுமப்பேனே என்றான் பதிலுக்கு வீ வில் ட்ரை என்றான் ஜமுனாவைப்பார்த்து ம்ஹ்ஹும் மாட்டேன்ப்பா நீ தூக்கி கீழ டொம்முன்னு போட்டாலும் போட்ருவ, இல்லம்மா அப்டிலாம் பண்ண மாட்டேன் என்றவனின் ஆசைக்கு கட்டுப்பட்டவளை உப்பு மூட்டை சுமந்து நேராக பெட்ரூம் சென்றவன் டொம்மென்று பெட்டில் விட்டான் செல்ஃபில் இருந்த ஆலிவ் ஆயிலை எடுத்தவனிடம் எதுக்கு இப்போ அது என்றாள், ''ஐவிரலிடுக்கில் ஆலிவ் எண்ணை பூசி சேவகம் செய்ய வேண்டும்'' என்று பாட ஆரம்பித்திருந்தான் அவள் ஹைய்யைய்யோ என்றபடி அவனிடமிருந்து விலகி ஓடி கண்ணாமூச்சி காட்டிக்கொண்டிருந்தாள்...!

பேசுகிறேன்...

2011-10-10T23:59:00.002+04:00

குடும்பம்

வீட்டில் பெண் பார்த்து நிச்சயம் செய்தபிறகு நடக்கும் ஒவ்வொரு நிகழ்வையும் அம்மா அப்டேட் செய்துகொண்டே இருக்கிறார்கள்..கேட்க கேட்க ஒருபுறம் மிக அதிக மகிழ்ச்சியாக இருந்தாலும் அந்த நிகழ்வுகள் அனைத்தையும் அருகிலிருந்து பார்ப்பதற்க்கோ கேட்பதற்க்கோ தவறுவதை நினைத்து மறு புறம் வருத்தமாகவே இருக்கிறது..ஆனாலும் திருமண நிகழ்வையொட்டி உறவினர்கள் மற்றும் நண்பர்களின் கிண்டல்களுக்கும் கேலிகளுக்கும் குறைவில்லை..!

அம்மாவும் அப்பாவும் இத்திருமணத்தினால் அதிக மகிழ்ச்சியுடன் இருக்கிறார்கள் என்பது மட்டும் அவர்கள் தங்களுக்குள் செய்துகொள்ளும் கிண்டல் கேலிகளை என்னிடம் பகிர்ந்துகொள்ளும் தொணியிலே தெரிந்துவிட்டது..ஆனால் இருவருக்கும் திருமணத்திற்க்கு பிறகு நான் அவர்களை விட்டு பிரிந்துவிடுவேனோ என்ற பயமும் வந்திருப்பது அவர்களின் பேச்சில் அப்பட்டமாக தெரிகிறது..நான் அப்படியெல்லாம் உங்களை விட்டு போக மாட்டேன் என்பது போன்ற மறைமுக உத்திரவாதம் அளிக்கும்பொழுதுதான் ஓரளவு மனதிருப்தியடைகிறார்கள்..! நானிருக்க பயமேன்?

மிஸஸ்..வசந்த்

இவங்களைப்பற்றி என்ன கூறுவது ? சின்ன சின்ன கவிதைகளும் கதைகளும் கூறும்பொழுது சிரிப்பார், சில சமயம் நான் சொன்ன எளிய கவிதைகளுக்கு இரண்டு மணி நேர விளக்கம் கொடுக்க வேண்டியிருக்கிறது..ஆரம்பத்தில் பேசுவதற்க்கு மிகவும் கூச்சப்பட்டவர்கள் நாளாக நாளாக பேசுவதில் அதிக ஈடுபாடு காட்ட ஆரம்பித்திருக்கிறார்,விளைவு சென்ற மாத சம்பளத்தில் பாதி தொலைபேசி பில் தின்று தீர்த்துவிட்டது, ஒன்றைப்பெற மற்றொன்றை இழக்கத்தானே வேண்டும் ஆதலால் அதுபற்றியெல்லாம் இப்பொழுது கவலையில்லை என்னை பொறுத்தமட்டிலும் என் அளவுக்கு சரிசமமாக பேசவோ என்னை கிண்டல் செய்யும் அளவிற்க்கோ கொண்டுவந்துவிட்டு விடவேண்டும் அவ்வளவுதான்.. கிட்டத்தட்ட பேச ஆரம்பித்து ஒருமாத காலம் ஆகியிருக்கும் நிலையில் ஒரு கவிதை ஒன்று எழுதியிருக்கிறார்கள்..

''இதயம் துடிப்பதற்க்கு மறக்கலாம்

ஞாபகங்கள் மனதிலிருந்து விலகலாம்

பாலைவனம் கூட நதியாக மாறலாம்

உன் முகம் என் கண் முன் தோன்றும்போது வரும்

புன்னகையை எதனாலும் தடுக்க முடியவில்லை..!'' - ஜோ

இதுதான் அவர்கள் எனக்கு எழுதிய முதல் கவிதை.. கவிஞி இருக்க பயமேன்?

வேலை

திருமணம் பேசுவதற்க்கு முன்பே எடுத்த முடிவுதான் , திருமணத்திற்க்கு பின்பு இந்தியாவில்தான் பணிபுரியவேண்டுமென்று ஆதலால் பணியை ராஜினாமா செய்ய இன்னும் மூன்று மாதங்களே உள்ள நிலையில் நான்கு வருடங்களாக என்னிடம் பணிபுரிந்த தொழிலாளர்களிடம் இதுவரை காட்டிவந்த அந்நியோன்யத்தை குறைக்க ஆரம்பித்திருக்கிறேன்,ஏனென்றால் அவர்களைவிட்டு பிரியும்பொழுது என்னால் அவர்களோ ,அவர்களால் நானோ வருத்தமடைந்துவிடக்கூடாது என்பதனால் சிறிது விலகியே இருக்கிறேன்...அதற்க்கு முன் இங்கு இதுவரை வாங்கிய நற்பெயரால் என்னுடைய ராஜினாமாவை நூறுசதவீதம் ஏற்கமாட்டார்கள் கிட்டதட்ட நான்கைந்து மேலதிகாரிகளை பேசி சம்மதிக்கவைக்க வேண்டும் அவர்களை எப்படியெல்லாம் சொல்லி சம்மதிக்க வைப்பது என்பதில்தான் இப்பொழுது ஒரே சிந்தனையாய் இருக்கிறது. திருமண நாள் குறித்து திருமண மஹால் முன்பதிவு செய்தாகிவிட்டது பிரச்சினை எதுவும் இல்லாமல் அவர்கள் என்னை பணியிலிருந்து விடுவிக்க வேண்டும் இறைவா என்பதும் தின வேண்டுதலாகிவிட்டது.திருமணத்திற்க்கு பின்பு இந்தியாவில் பணிபுரிய வேண்டும் என்பதால் இந்தியாவில் இருக்கும் நல்ல கம்பெனிகளுக்கு விண்ணப்பங்கள் அளித்து காத்திருக்கிறேன் பார்க்கலாம்..திறமையிருக்க பயமேன்..?

உடல் நிலை..

இப்பொழுதெல்லாம் இரண்டு மூன்று மணி நேரம் கணிணியை பார்த்தாலே கண் சிவந்து தூக்கம் வந்துவிடுகிறது அல்லது கண் எரிய ஆரம்பித்துவிடுகிறது கணிணியை ஆன் பண்ணியபடி ஷட்டவுன் செய்யாமலே தூங்கிவிடுகிறேன்..முடிந்தவரையில் கணிணியை தவிர்க்க முயற்சித்துவருகிறேன் ஊருக்கு சென்றுதான் நல்ல கண் மருத்துவரை கலந்தாலோசித்து கண்ணை காக்கவேண்டும்..

காதிலோ மூக்கிலோ மயிருள்ளவர்களை பார்த்தால் எனக்கு ஒருவிதமான முகச்சுளிப்பு ஏற்படும் இப்பொழுது எனக்கும் காதில் நீண்ட மயிர் முளைக்க ஆரம்பித்திருக்கிறது எது நமக்கு வேண்டாமென்று விலகுகிறோமோ அதுதான் நம்மை ப்ரியத்துடன் ஆட்கொள்கிறது என்ன செய்ய? கத்தரிக்கோல் இருக்க பயமேன்? கட் த மயிர்..மயிரைப்போலவே பொறாமையோ காழ்ப்புணர்ச்சியோ உள்ள நட்புகளையும், உறவுகளையும் வெட்டிவிட புதுவித கத்தரிக்கோல் இருந்தால் தேவலாம்..!
சுபம்..!

ப்ரிய சிறைகள்..!

2011-09-28T20:07:00.002+04:00

ஒத்திகை..!

தற்சமயம்
நமக்கான வாழ்க்கையை
நம் இருவர் மனங்களும்
ஒத்திகை
பார்த்துக்கொண்டிருக்கின்றன
நீயும் நானும் அதை வேடிக்கை
பார்த்துக்கொண்டிருக்கிறோம்..!

----------------------------

ப்ரிய சிறைகள்..!

உனக்கான ப்ரியங்களை
நான் என்னிடமிருந்து
விடுவித்துக்கொண்டிருக்கிறேன்
நீ மறுபடியும் உன்னிடம்
அவற்றை சிறைபிடித்துக்
கொண்டிருக்கிறாய்..!

----------------------------

டிட்டோ...!

உனக்கேற்றபடி நான்

எனக்கேற்றபடி நீ

நமக்கேற்றபடி காதல்

முதற்க்கொண்டு

அத்தனையும்..!

( Note : இவையும் இனி வருபவையும் என் Engagementற்க்கு பிறகான கவிதைகள் )

ஜோ'வென பெய்யும் மனமழை -1

2011-09-18T23:04:00.000+04:00

என் மனதிற்க்கு

பிடித்தவர்கள்

நிறைய பேர்

இருக்கிறார்கள்

என் மனதை பிடித்தவள்

நீ மட்டும் தான்..!

----------------------------------------

அழகான வாழ்க்கை வண்டி

ஓட்டுவதற்கு தேவையான

அத்தனை விஷயங்களிலும்

நீ என் சாயலையும்

நான் உன் சாயலையும்

கொண்டிருக்கிறோம்..!

----------------------------------------

ஊரே எனக்கு

வைத்திருந்த பட்டத்தை

நீயும் சொன்னபோது

அளவில்லா ஆனந்தம்

காதல் மன்னனாம் நான்..!

----------------------------------------

செடி கொடிகளுக்கு

அருகே நின்று விடாதே

தேரென்று நினைத்து

அவை உன் மீது

படர்ந்துவிடலாம்..!

----------------------------------------

நீ இல்லாமலே

என்னைச்சுற்றி

லாவண்டர் வாசம்

வீசுகிறது அதுதான்

உன் வாசமாய்

இருக்கக்கூடும்..!

----------------------------------------

உன்னை

கிளி மாதிரி

என்று சொல்லி

என்னை

ஜோசியக்காரன்

ஆக்கிவிட்டார்கள்

என் அம்மா..!

----------------------------------------

நீ பேசும்பொழுது

குயில்களும்

உடன் கூவுவது

எனக்கென்னவோ

குயில்களின்

பின்னணி இசையில்

நீ பாடுவது போன்றுதான்

இருக்கிறது..!

----------------------------------------

தக்கர் தக்க தக்க தும் - வேலாயுதம் பாடல் விமர்சனம்

2011-08-31T17:37:00.000+04:00

வெளியிட்ட ஒரு மணி நேரத்தில் அத்தனை சிடிக்களும் விற்றுத்தீர்ந்து சாதனை படைத்திருக்கிறது வேலாயுதம் படத்தின் பாடல் சிடிக்கள்.

ஆஸ்கார் பிலிம்ஸ் ரவிச்சந்திரன் தயாரிப்பில், ஜெயம் ராஜா இயக்கத்தில் இளையதளபதி விஜய் , ஜெனிலியா , ஹன்சிகா, சந்தானம் நடிப்பில் , இசையமைப்பாளர் விஜய் ஆண்டனியின் இசையில்,தீபாவளிக்கு திரைக்கு வர இருக்கும் வேலாயுதம் திரைப்படத்தின் பாடல்கள் பற்றிய ஒரு பார்வை.

1.இரத்தத்தின் இரத்தமே

''இரத்தத்தின் இரத்தமே
என் இனிய உடன்பிறப்பே
சொந்தத்தின் சொந்தமே
நான் இயங்கும் உடன் பிறப்பே..!''

அண்ணன் தங்கைக்கிடையேயான சகோதர பாசத்தை விளக்கும் பாடல், ஹரிச்சரண் , மதுமிதா பாடியிருக்கிறார்கள் , கவிஞர் அண்ணாமலை பாடலை எழுதியிருக்கிறார் விஜய் ரசிகர்களுக்கு என்று எழுதப்பட்ட பாடலைப்போல் இருப்பதால் ரசிகர்கள் மத்தியில் பெரும் வரவேற்பை பெறலாம் , உணர்ச்சிவசமான பாடல்.

Rating : 4.5/5

-------------------------------------------------------------

2. முளைச்சு மூணு இலைய விடல

''முளைச்சு மூணு இலைய விடல
தருவேன் ஒலக அழகி மெடல
வெரலு வெண்டக்காய்
உன்காது அவரைக்காய்
மூக்கு மொளகாய் மூக்குத்தி கடுகாய்
கனிந்த காய்த்தோட்டம் நீதானா ?''

ரசித்து எழுதியிருக்கிறார் கவிஞர் விவேகா , பிரசன்னா , சுப்ரியா ஜோஷி பாடியிருக்கிறார்கள் , மெலடி ரகம் யாராக இருந்தாலும் முதல் தடவை கேட்டதும் மிகப் பிடித்துப்போகும் , மெலடி பாடல் விரும்பிகள் ரிப்பீட்டடடா கேட்டுக்கிட்டே இருக்கப்போறாங்க குடும்பத்திலுள்ள அனைவராலும் விரும்பி கேட்கப்படும் பாடலாக அமையும் எனபதில் சந்தேகமில்லை.

பாடலில் பிடித்த வரி

''மேடான பள்ளத்தாக்கே
மிதமான சூறைக்காற்றே
முடியாத எல்லைக்கோடே
முத்தச்சூடே..!''

''முழுசு முழுசா
என்னை முழுங்க நினைக்கிறியே
உடம்ப முறுக்கி வளையலை நொறுக்கி
கதைய முடிக்கிறியே..!''

Rating :5/5

-------------------------------------------------------------

3.சில்லாக்ஸ்

''மஞ்சநெத்தி மரத்துக்கட்ட
மைய வச்சு மயக்கிப்புட்ட
நாட்டுக்கட்ட டவுனுக்கட்ட
ரெண்டும் கலந்த செமகட்ட
கையிரண்டும் உருட்டுக்கட்ட
கண்ணு ரெண்டும் வெட்ட வெட்ட
நெஞ்சுக்குள்ள ரெத்தம் சொட்ட
எதுக்கு வர்ற கிட்ட''

''சில்லாக்ஸ் சில்லாக்ஸ் சில்லாக் சில்லாக் சில்லாக்ஸ்''

இந்த பாடலை எழுதியவர் அண்ணாமலை , கார்த்திக்கும் ,சாருலதா மணியும் இணைந்து பாடியிருக்கிறார்கள்.வழக்கம்போலவே விஜய் ஆண்டனியின் குத்துப்பாடல்கள் ஆட்டம்போடவைக்கும் , அதில் இந்தப்பாடலில் விஜயும் சேர்ந்து இருப்பதால் குத்துப்பாடல் விரும்பிகளுக்கு மிகப்பிடித்தமானதாக இருக்கும் என்பதில் சந்தேகம் இல்லை , தொலைக்காட்சி நடன நிகழ்ச்சிகள், திருவிழா மேடை நடனங்களில் இந்தப்பாடல் அதிகம் இடம்பெறலாம், குழந்தைகள் இனி சில்லாக்ஸ் என்ற வார்த்தையை அடிக்கடி உபயோகிப்பதை பார்க்கலாம்.இந்தப்பாடலில் கொஞ்சம் வேட்டைக்காரன் கரிகாலன் பாடல் வாசம் வீசுகிறது..!

Rating : 4.5/5

-------------------------------------------------------------

4.மாயம் செய்தாயோ

''தக்கர் தக்க தக்க தும்
மாயம் செய்தாயோ
நெஞ்சை காயம் செய்தாயோ
கொல்ல வந்தாயோ
பதில் சொல்லவந்தாயோ''

என்று ஆரம்பிக்கும் இந்தப்பாடலை எழுதியவர் கவிஞர் விவேகா, சங்கீதா ராஜேஸ்வரன் தனது ரொமாண்டிக்கான குரலில் பாடியிருக்கிறார் வசியம் செய்கிறது இவரது குரல் , எந்தப்பாடல் மாதிரியும் இல்லாமல் புதுவிதமாகவே இருக்கிறது , இளைஞர்கள் இளைஞிகளுக்கு மிகப்பிடிக்கும் எஃப் எம் , இசைச்சேனல்களில் அதிகமுறை இடம்பெற்று சாதனை புரியலாம்.

பாடலில் பிடித்த வரிகள் .

''நாணச்செடி வளரும் தோட்டமானேன்
யானை வந்து போன சோலையானேன்''

Rating : 5/5

-------------------------------------------------------------

5. சொன்னாப்புரியாது

''சொன்னாப்புரியாது சொல்லுக்குள்ள அடங்காது
நீங்கள்லாம் எம்மேல வச்ச பாசம்
ஒண்ணா பொறந்தாலும் இதுபோல இருக்காது
நான் உங்கக மேல எல்லாம் வச்ச நேசம்''

விஜயோட ஓபனிங் பாடல் எப்பவுமே மாஸ் ஹிட் ஆகும் அந்த வரிசையில் இந்தப்பாடலையும் சேர்த்துக்கொள்ளலாம் பாடலை சிவ சண்முகம் எழுதியிருக்கிறார் ரசிகர்கள் தியேட்டரில் ஆட்டம் போடவைக்கும் குத்துப்பாடல்.பாடலை விஜய் ஆண்டனி பாடியிருக்கிறார், வீர சங்கர் பாடலின் ஆரம்பத்தில் பாடியிருக்கிறார் அந்த இடத்தில் ரசிகர்களுக்கு விஜய் சாமி பிடித்து ஆடினாலும் ஆச்சரியப்படுவதற்கில்லை..!

பாடலில் பிடித்த வரிகள்

''தலையில் ஆடும் கரகம் இருக்கும்
தலையில கனந்தான் இருந்ததில்லை''

''தாரை தப்பு ஆட்டம் தான் இருக்கும்
தப்பான ஆட்டந்தான் போட்டதில்லை''

Rating : 5/5

6.வேலா வேலா வேலாயுதம் என்ற தீம் சாங்கும் கேட்க நன்றாக இருக்கிறது இதை விஜய் ஆண்டனி பாடியிருக்கிறார் .

-------------------------------------------------------------

இசை வெளியீட்டுவிழா ஒரு பார்வை..!

தமிழ் திரைப்படத்தின் இசை வெளியீட்டுவிழா முதன் முறையாக மதுரையில் ரசிகர்கள் முன்னிலையில் ரசிகர்களாலே வெளியிடப்பட்டது ரசிகர்கள் மத்தியில் ஆச்சரியத்தையும் மகிழ்ச்சியையும் வெளிப்படுத்தியது.

வெறும் இசை வெளியீடாக மட்டுமின்றி ஏழை எளியவர்களுக்கு இலவச கணிப்பொறி, தையல் மெஷின்கள், பசு என்று நலத்திட்ட உதவிகளும் விஜயின் மக்கள் இயக்கம் சார்பாக நடைபெற்றது.

வரப்ப மிதிச்சு ராப்பகலா உழைச்சு

வாழற ஜனங்க நம்ம கட்சி

இவங்க மனச சந்தோஷப்படுத்த

தப்பு நீ செஞ்சாலும் ரைட்டு மச்சி..!

Courtesy : http://www.facebook.com/VijayTheActor

Deer Prema...! - ரதி வீதி பாகம் - 2

2011-08-25T16:45:00.000+04:00

நீண்ட நாட்களாக பிரேமாவை பார்க்கவில்லையென்பதால் அவளைப்பற்றிய நினைவுகளை ஒரு கடிதத்தில் எழுதி அவள் படிக்கும் கல்லூரி முகவரிக்கு அனுப்பிவைத்து அவளின் பதில் கடிதத்திற்கு காத்திருந்த நேரம் தொலைபேசி அழைப்பு , அவள்தான் எடுத்ததும் ''என்னை பிடிச்ச பிசாசே கடுதாசி எழுதுறீங்களாக்கும் கடுதாசி , அதென்ன கடுதாசி முழுவதும் தமிழ்ல எழுதிட்டு ஆரம்பிக்கறப்போ மட்டும் Dear Prema அப்படின்னு எழுதாம a வரவேண்டிய இடத்துல e போட்டு Deer Prema அப்படின்னு இங்க்லீஷ்ல ஸ்பெல்லிங் மிஸ்டேக்கோட எழுதியிருக்க , ஃப்ரண்ட்ஸ் எல்லாம் படிச்சுட்டு செம கிண்டல் பண்ணிட்டாங்க எப்பவும் போலவே 'ப்ரிய பிரேமா'ன்னு எழுதியிருக்கலாம்தானேடான்னு'' கொஞ்சலாக கேட்டவளிடம் ''அவங்களுக்குத்தான் அது ஸ்பெல்லிங் மிஸ்டேக்கா தெரியுதுன்னா உனக்குமா புரியலை ? யென்றதும், 'ம்ஹ்ஹும் அப்படியென்ன இருக்கு அந்த ஸ்பெல்லிங் மிஸ்டேக்ல' என்று கேட்டவளிடம், ''துள்ளி ஓடுற மானுக்கு இங்க்லீஷ்ல Deerன்னு அர்த்தம்'' என்றேன் புரிந்து கொண்டவளின் 'இச்'சை அப்படியே எனக்கு ட்ரான்ஸ்ஃபர் செய்தது தொலைபேசி..!

'டேய் வர்ற நவம்பர்09 செமஸ்டர்முடிஞ்சு ஊருக்கு வர்றேன்'னு அவள் சொன்னதிலிருந்து மனது வானத்துக்கும் பூமிக்கும் ராட்டினம் ஆடிக்கொண்டிருந்தது, நவம்பர் 10 என் வீட்டிற்கு வந்தவள் என் அம்மாவிடம் ''அத்தை நான் ஊருக்கு வர்றேன்னு சொல்லியிருந்தும் உங்க புள்ளை என்னை கூட்டிட்டு வர்றதுக்கு பஸ் ஸ்டாண்ட் பக்கம் கூட வரலை என்னாச்சு உங்க புள்ளைக்கு ? என்னை நான் ஒருத்தி இருக்கிறதை மறந்துட்டாரா?''அப்படின்னதும் 'அவன்கிட்டயே கேளும்மா'ன்னு அம்மா சொன்னங்க,முகம் சிவந்த கோவத்துடன் என் பக்கம் திரும்பியவளிடம், ஹும் உன்னை கூப்பிடத்தான் பஸ் ஸ்டாண்ட் வந்தேன் அங்க இருக்குற டைம் கீப்பர்கிட்ட நீ வரும் பஸ் பேர் சொல்லி எப்போ வரும்ன்னு கேட்டேன் அப்படி ஒரு பஸ்ஸே இல்லைன்னுட்டான்னு அப்பாவியாக சொன்னேன் , அப்படி என்ன பஸ் பேர் சொன்ன அவன்கிட்டன்னு கேட்டவளிடம் அதுவா ''ரதி ட்ரான்ஸ் போர்ட் எப்போ வரும்ன்னுதான்'' கேட்டேன் , அதுக்குத்தான் அவன் அப்படி ஒரு பஸ்ஸே இல்லைன்னு பதில் சொன்னான் கோவத்துல வீட்டுக்கு வந்துட்டேன்ன்னேன், நீயே சொல்லு ''நீ வரும் பஸ் ரதி ட்ரான்ஸ்போர்ட்டா மட்டும்தானே இருக்கும்''ன்னதும் சுத்தி முத்தி பார்த்துட்டு அம்மா சமையலைறைக்கு போயிட்டாங்கன்னதும் கன்னத்துல செல்ல முத்தம் கொடுத்துவிட்டு ஓடியே போய்விட்டாள்...

திருமணத்திற்க்கு பின்பு நானும் பிரேமாவும் குடியிருப்பதற்க்காக எங்கள் தெருவில் புதியதாக கட்டப்பட்டுக்கொண்டிருக்கும் அபார்ட்மெண்ட்டில் ஒரு மனை முன்பதிவு செய்திருந்தேன் , ஒரு நாள் அந்த அபார்ட்மெண்ட் பில்டர்ஸ் பிரேமாவிடம் , 'நாங்க கட்டிக்கொண்டிருக்கும் அபார்ட்மெண்ட்டில் மொத்தம் ஐந்து மனைகள் ப்ளான் பண்ணி கட்டிக்கொண்டிருக்கிறோம் நீங்கள் முன்பதிவு செய்த மனை தவிர மீதமிருக்கும் நான்கு மனைகளுக்கும் குறிஞ்சி , முல்லை , மருதம் , நெய்தல்ன்னு பெயர் வைத்துவிட்டோம் நீங்கள் வாங்கிய மனைக்கு எதாவது பெயர் சஜ்ஜெக்சன் கொடுங்களேன்; என்று கேட்டிருப்பார்கள் போல என்னிடம் பிரேமா சொன்னதும் , ''மலையும் மலை சார்ந்த இடம் குறிஞ்சி'' , ''காடும் காடு சார்ந்ததும் முல்லை'' , ''வயலும் வயல் சார்ந்த இடமும் மருதம்'' , ''கடலும் கடல் சார்ந்த இடமும் நெய்தல்'' அப்படியென்றால் ''நீயும் நீ சார்ந்த இடமும் தேன்கூடாய்த்தான் இருக்கமுடியும்'' அதனால் ''தேன்கூடு'' அப்படின்ற பெயர்வைக்கச்சொல்லி அவங்ககிட்ட சொல்லிடு பிரேமான்னதும் வாயடைத்துப் போய்விட்(டோம்)டாள்...! தேனும் கிடைத்தது ...!

பிரேமா ஒருநாள் காலை நேரம் அந்த புதிய வீட்டின் மொட்டை மாடியில் துணிகளை துவைத்து காயவைத்துக்கொண்டிருந்தாள் நான் மாடியில் நின்று வேடிக்கை பார்த்துக்கொண்டிருந்தேன் அப்படியே பிரேமாவை பார்த்து அங்க பார் பிரேமா எப்பவும் நாந்தான் உன்னை சில்மிஷம் செய்வேன் ஆனா இங்க பார் ,''உன் புடவை என் சட்டையை சில்மிஷம் செய்து கொண்டிருக்கிறது'', என்றதும் நமுட்டு சிரிப்பு சிரித்தவளிடம் அவளைப்பற்றி எழுதிய சில கவிதைகளை காண்பித்தேன் படிப்பதற்க்கு முன்பு ''காலையில எல்லாரும் காலைக்கடன் வரும்ன்னா உங்களுக்கு கவிதைக்கடன் வருதாக்கும்'' என்று நக்கல் பண்ணியவள் படிக்க ஆரம்பித்தாள்...

''துணி உலர்த்துகையில்,
தன் இறகுகளை
தானே துவைத்து
உலரவைக்கும்
அதிசய மயிலாக நீ''

''வேடந்தாங்கல்
பறவைகள் சரணாலயம்
நீ
அழகுகள் சரணாலயம்''

''அமாவாசையன்று
உன்னருகிலிருக்கும்
தன் குழந்தைக்கு
நிலாச்சோறு
ஊட்டுகிறாள்
அடுத்தவீட்டுப்பெண்''

''உன்னை
சந்திக்கும்பொழுதெல்லாம்
அழகை அதன் குகையிலே
சென்று சந்திப்பது
போன்றுதானிருக்கிறது''

''பள்ளிக்கூடம் போனால்
ஒரே படிப்பு படிப்பு
உன்கூடம் வந்தால்
ஒரே இனிப்பு இனிப்பு''

''காமத்தை
போஸ்டலிலும்
முத்தத்தை
கூரியரிலும்
அனுப்பும்
சமயோசிதக்காரி நீ''

நன்றி வணக்கம்.
.

ஞாயிறு பொழுதும் உன்னோடு..! (U/A)

2011-08-05T13:10:00.003+04:00

அலாரம் இல்லாத ஞாயிறில் நீண்ட தூக்கம் நாயகனது பழக்கம் , ஆனால் திருமணத்திற்கு பிறகு மிருதுளாவோடான ஞாயிறுகள் சுவாரஸ்யம் மிகுந்தவைகளாக இருப்பதினால் ஒவ்வொரு ஞாயிற்றுக்கிழமையும் உற்சாகத்தோடு எழும்பிவிடுகிறான் , ஒரு ஞாயிறு நாயகனுக்கும் மிருதுளாவுக்கும் நடக்கும் சுவாரஸ்யங்களின் கற்பனைகள் இதோ.. கொஞ்சம் அப்படி இப்படின்னு இருக்கும் ரசிகர்களே டேக் கேர் ..!!!!

*******************************************************

காலை 7 மணி

ஹேய் மிர்து இங்க வாயேன் என்றேன் என்ன என்று கொஞ்சலாக வினவியவளிடம், இல்ல இன்னிக்கு சண்டே தெரியும்ல என்றேன் கண் சிமிட்டியபடி , தெரியும் தெரியும் அதான் பயமா இருக்கு என்றபடி ''வெட்கத்தை முக முழுக்காட்சியாக ரிலீஸ் செய்கிறாள்''. ம்ம் பின்ன ஆக வேண்டியதை பார்ப்போமே என்றேன் ஸ்ஸ்ஸப்பா இன்னிக்கு உன்னோட சமையலை சாப்பிடணும்ன்னு விதி வேற வழி ஆரம்பிடா ஆரம்பி இன்று உன்னுடைய மெனுவில் காலை டிஃபன் என்ன என்று வினவியவளிடம் ''எனக்கு டிஃபன் நீதான்'', உனக்கு சூடா நெய் தோசையும் , தக்காளி சட்னியும் , தேங்காய் சட்னியும் , தால் பவுடரும் வித் காஃபி ஒகேவா மிர்து? என்றதும் '' என் டிஃபன் ஒகே ஆனா உனக்கு சொன்ன டிஃபன் கிடைக்காது கிடைக்காது முதுகுல டின்னுதான் கிடைக்கும்'', ஆமா ஆளப்பார் ஆள, ''சரி விடு லஞ்சா இருந்துட்டுப்போ'' என்றேன், 'அட ராமா' என்று தலையில் கைவத்தவளிடம் ம்ஹ்ஹும் 'அட காமா' ன்னு சொல்லிப்பார் அட்டகாசமா இருக்கும் என்றதும் ரைட்டு இன்னிக்கு மதியம் டிவிடில 'வாரணம் ஆயிரம்' படம் பார்க்கலாம்ன்னு இருந்தேன் நீ 'தோரணம் ஆயிரம் 'அப்படின்ற நடக்கட்டும் நடக்கட்டும் மகனே உன் சமர்த்து என்று வெட்கசிரிப்பு சிரிக்கிறாள்.

காலை 10 மணி

நான் சோஃபாவின் ஹேண்டில் பக்கம் அமர்ந்து டிவி பார்த்துக்கொண்டிருந்தேன் , அருகில் வந்து அமர்ந்த மிருதுளா ''தோசையில என்னடா கலந்த ஒரே கிறக்கமா இருக்கு'', என்றபடி என் மடியில் தலைவைத்து கால் நீட்டி சொகுசாக டிவி பார்த்தவளிடம் ஒன்னும் இல்ல ''கொஞ்சம் அன்பு அதிகமா கலந்திட்டேன் போல'' அதான் என்றேன். டிவியில் சாமி திரைப்படத்தில் விக்ரம் த்ரிஷா நடித்த இவன்தானா என்ற பாடல் ஓடிக்கொண்டிருந்தது விக்ரம் திரிஷா தக்காளிபழம் சீன் வந்ததும் 'அய்யய்யோ' என்றேன் , ஏண்டா என்னாச்சு என்று கேட்டவளிடம் , ''இன்னிக்கு தக்காளி சட்னி வைக்கிறப்போ இந்த சீனை மிஸ் பண்ணிட்டேனே மிருதுளா மிஸ் பண்ணிட்டேனே'', என்றதும் 'ச்சீய்ய் எப்போ பாரு இதே நினைப்புத்தானா உனக்கு' சரி சரி இன்னிக்கு லஞ்ச் டின்னர் எதுலயுமே தக்காளி வாசமே இருக்கக்கூடாது புரிஞ்சதா? ரைட்டு தக்காளி இல்லைனா என்ன ட்ரம்ஸ்டிக் சேர்த்திடறேன் என்றதும்தான் தாமதம் என்ன நினைத்தாளோ தெரியவில்லை ஓடிச்சென்று ஃப்ரிட்ஜில் இருக்கும் ட்ரம்ஸ்டிக் அத்தனையையும் டஸ்ட் பின்னில் போட்டுவிட்டு ''இப்போ என்ன பண்ணுவ இப்போ என்ன பண்ணுவ'' என்று வக்கனை காட்டுகிறாள்..!

பிற்பகல் 1 மணி

'மிருதுளா லஞ்ச் ரெடி சாப்பிடலாமா'' என்றேன் ம்ம் ஒரு மணி நேரத்துல குளிச்சிட்டு வந்திடறேன் என்றாள் ஏண்டி குளிக்கிறதுக்கு ஒரு மணி நேரம் அப்படின்றது உனக்கே ஓவரா இல்லையா? என்றேன், என்னையென்ன உன்னை மாதிரி நினைச்சியா ''தேவதையாக்கும் நான்'' ஒரு மணி நேரம் வெயிட் பண்ண முடிஞ்சா வெயிட் பண்ணு இல்லைனா துன்னுட்டு குப்புறபடுத்து தூங்கிடு ஐ டோண்ட் கேர்ன்னு சாதாரணமா சொன்னவளின் தந்திரம் வெகுவாகவே புரிந்தது , என்னை இந்த பகலில் தூங்க வைத்திட வேண்டுமென்ற அவளின் ஆசையை தகர்க்கவும் எனக்கும் தெரியுமென்பது அவளுக்கெப்படி தெரியும், இன்று இவள் என்னதான் செய்கிறாள் என்று பார்ப்போமே என்று நினைத்தபடி தூங்குவது போல் பாசாங்கு செய்தேன், உடை மாற்றிவிட்டு வந்தவள் என்னை நோக்கி வரும் சத்தம் கேட்கிறது கொரட்டை சத்தத்தை அதிகப்படுத்தினேன் கிட்ட வந்தவள் என் தலையை கோதியபடி 'சமர்த்து தூங்கிட்டான்' என்று குதூகளித்தவளை, அப்படிலாம் நினைச்சுடாத என்றபடி எழுந்து வா சாப்பிடலாம் என்று அழைத்து சென்று திகட்ட திகட்ட அத்தனை உணவுகளை பரிமாறினேன். 'நீ சாப்பிட்டயா? என்று கேட்டவளிடம், இல்லை ''நீ சாப்பிடாம நான் எப்படி சாப்பிடறதாம்'' என்றதும் நான் எதிர்பார்த்தபடியே 'லஞ்சாக ப்ரஞ்சு முத்தம் கிடைத்தது'.

மாலை 6 மணி

வா வெளில ஷாப்பிங் போகலாம் என்று அவளை பைக்கில் அழைத்து சென்றேன் அவள் நிறத்துக்கேற்ற இளஞ்சிவப்பு நிற சுடிதார் அணிந்திருந்தாள் என் ட்ரெஸ் எப்படிடா இருக்கு என்றவளிடம் , 'இப்போ நீ தேவதை', 'இந்த பைக் தேர்' , 'நான் தேரோட்டுபவன் ', ''தேவதையுலா வருகிறாள் வழிவிடுங்கள் என்றபடிதான் ஹாரன் ஒலிக்கிறது'', ''சாலைகளின் ஓரத்தில் இருக்கும் ஒவ்வொரு பூக்களும் உன்னிடம் அழகுபிச்சையேந்தி கையேந்தி நிற்கின்றன'' , ''செல்லும் வழியெங்குமிருக்கும் பாதைகளின் பெயர்களெல்லாம் தேவதைவீதி 1, தேவதை வீதி 2, தேவதை வீதி 3 என்றபடி பெயர் மாறுகின்றன'' , ''துணிக்கடை பொம்மைகள் சந்தோஷப்பட்டுக்கொள்கின்றன தனக்கு பதில் இன்னொருத்தி வந்துவிட்டாளென்று'' , உன் வாசம் கலந்த காற்று ஊரெங்கும் உன் அழகை பரப்பி ''உன் அழகுபரப்பு செயலாளர் தான் தான் என்று நிரூபிக்கிறது'' , இப்படி சொல்லி அவளின் அத்தனை வெட்கத்தையும் ஒரே நாளில் அனுபவித்தேன். வீட்டிற்கு வா உனக்கு இருக்கு மவனே என்றவளிடம் அதான் எனக்கு தெரியுமே தெரியுமே என்றதும் ''எமகாதகன்டா நீ'', என்றவளிடம் இல்லை ''காமகாதகன்'' என்றதும் தொடையில் நறுக்கென்று கிள்ளிவிட்டாள் ..!

இரவு 9 மணி

''மணி 9 ஆச்சு சரி வா டின்னர் சாப்பிடலாம்'', என்றேன். டின்னர்தான் வெளியில சாப்பிட்டோமே இன்னும் என்ன டின்னர் ? ஹும் அது என்ன டின்னர் அதுல ''நிறமில்ல சுவையில்ல, திடமும் இல்ல'', இப்போ நான் கொடுக்கிற டின்னர்ல '' நிறம் நீ இருக்க , சுவையாய் முத்தம் இருக்க, திடமாய் நான் இருக்க'', 'இனிக்க இனிக்க பசியாறலாம் வா', என்றேன் . 'எப்படிடா இப்படி எல்லாத்தையும் கவிதையாவே பேசற எனக்கு உன்னைப்பார்க்க பார்க்க பொறாமையா இருக்கு உனக்காக நான் ஒன்னுமே செய்யலை சொல்லலைன்றதும் வருத்தமா இருக்கு, என்றவளின் தலை கோதி அட லூசு ''திருமண வாழ்க்கையில் யாராவது கணவன் மனைவி இரண்டு பேரில் யாராவது ஒருத்தர்தான் ரசிகனாக இருக்க முடியும்'', இப்போ இங்க நமக்குள்ள நடக்குற திருமண வாழ்க்கையில ''நான் உன்னோட ரசிகன் எப்பவும் உன்னை மட்டுமே ரசிக்கும் ரசிகன்'', என்று விளக்கமளித்ததுதான் தாமதம் கையைப்பிடித்து விறு விறுவென்று இழுத்துச்சென்று 'டின்னர் பரிமாறினாள்' ..

திரும்பவும் வாசிக்கணும்னா இதோ இந்த பாடலை கேட்டபடியே வாசியுங்கள் Enjoy The Holiday..!

ப்ரிய நண்பன்...!

2011-06-06T03:03:00.001+04:00

அவ்வப்பொழுது ஆத்ம திருப்திக்காக எழுதும் பதிவுகளில் இதுவும் ...

உன் நண்பன் யாரென்று சொல் உன்னைப்பற்றி சொல்கிறேன் என்று ஒரு பழமொழி இருக்கிறது. இப்படி யாராவது என்னிடம் வந்து கேட்டால் சட்டென்று இவன்தான் என் நண்பன் என்று சொல்வதிற்கு தகுதியானவன் இவன்.

சேட்டைக்காரனா இருக்கான்ல ம்ம் என் ஃப்ரண்ட்ல அப்டித்தான் இருப்பான் , நவநீதகிருஷ்ணன் எனக்கும் இவனுக்கும் மதுரையில் ஒரு தனியார் நிறுவனத்தில் வேலை பார்க்கும்பொழுது சக அறைவாசியாகத்தான் அறிமுகம். நான் அந்த நிறுவனத்தில் சேர்வதற்கு இரண்டு மூன்று மாதங்களுக்கு முன்பிருந்து அந்த நிறுவனத்தில் இவன் பணிபுரிந்தான். வேலையிடத்தில் இவன் இருக்குமிடத்தில் கலகலப்பிற்கு பஞ்சமிருக்காது. எனக்கும்கூட இவனிடமிருந்துதான் இந்த நக்கல் நையாண்டி வந்திருக்கவேண்டும் அவ்வளவு நக்கல்பிடித்தவன் எதிரே பேசுபவர்களை தன்னுடைய நகைச்சுவையான பேச்சாலேயே கவர்வான், என்னையும் அப்படியே. வெளியே இவ்வளவு கலகலப்பாக பேசித்திரிபவனின் சொந்த வாழ்க்கையில் இருக்கும் சில மறக்க முடியாத வருத்தமான நிகழ்வுகள் என் போன்ற சில நெருங்கிய நண்பர்களுக்கு மட்டுமே தெரியும்.

ஆரம்பத்தில் சக தொழிலாளியாக இருந்த நாங்கள் நாட்கள் செல்ல ஒருவருக்கொருவர் எங்களுக்கிடையேயான , புத்தக வாசிப்பு , ரசனைகள் , பழக்கவழக்கங்கள் ஒருவருக்கொருவர் பகிர்ந்து இணைபிரியாத நண்பர்களானோம். சில நேரங்களில் ஏதாவது அவசரகதியான பணிகளை முடிக்க கடினமான பணிகளை முடிக்க அரிசிமூட்டை (மேலாளருக்கு அரிசிமூட்டையென்ற பட்டப்பெயரும் வைத்தது இவன்தான்) தேடுவது எங்கள் இருவரையாகத்தான் இருக்கும் இருவருக்குமே தொழிலில் அதிகப்படியான ஆர்வம் ஆதலால் இருவருமே மிக விரைவாகவே பணி கற்றுக்கொண்டோம். இருவரும் தனித்தனியாக பணிபுரியும் பொழுது போட்டி போட்டுக்கொண்டு வேலை செய்வோம். பின்பு வார இறுதிகளில் நான் தேனியிலிருக்கும் என்வீட்டிற்கு சென்றுவிடுவேன். அவன் அருப்புக்கோட்டையிலிருக்கும் அவனுடைய வீட்டிற்கு சென்றுவிடுவான். ஆரம்பத்தில்தான் இப்படியிருந்தது நாட்கள் ஆக ஆக வீட்டிற்கு மாதமொருமுறை மட்டுமே சென்று வந்தோம் விடுமுறை நாட்களில் மதுரையிலிருக்கும் ஒவ்வொரு ஏரியாவையும் சுற்றுவது, சினிமாவுக்கு செல்வது , அரட்டையடிப்பது இப்படி மிகவும் மகிழ்ச்சியாகவே இருந்தது.

அப்பொழுது திருப்பரங்குன்றம் தியாகராசர்கல்லூரி காம்பஸில் இருக்கும் தேன்கிணறில் பணிபுரிந்த சமயம் அருகிலிருந்த தியாகராசர்கல்லூரி பேருந்துநிலையத்தில் அமர்ந்து சைட் அடித்துக்கொண்டே அருகிலிருக்கும் டீக்கடையில் டீ சாப்பிட்டுக்கொண்டிருக்கும்பொழுது என்னுடைய டீயில் ஈ விழுந்துவிட்டது வேற டீ சொல்லவாடான்னு கேட்டான் மண்ணுல இருந்து வர்ற தண்ணியில ஏதேதோ விழுந்து கிடக்குது அதையே குடிக்கிறோம் ஆஃப்ட்ரால் ஈதானடான்னு ஈயத்தூக்கிப்போட்டு டீயகுடிக்கறதுல தப்பேயில்லையென்று லாஜிக் இல்லாமல் எதையோ சொல்லப்போக இன்றுவரைக்கும் என்னை கும்முவதற்கு அதை பயன்படுத்துகிறான்.

ஒரு நாள் மொபைலில் யாரையோ சத்தமாக திட்டிக்கொண்டிருந்தான் யார்டா அது ஏன் திட்டறன்னு கேட்டால் அது தன்னுடைய மாமன் மகளென்றும் அவள் தன்னை காதலிப்பதாகவும், அது தனக்கு பிடிக்கவில்லையெனவும் அதனால்தான் திட்டினேன் என்றான். சின்னக்குழந்தையில நான் தூக்கி வைத்து விளையாடிய பொண்ணுடா காதலியா பார்க்க மனசு வரலை அதான் நல்லா திட்டிவிட்டுட்டேன்னு சொன்னான். நாளாக நாளாக அந்தப்பெண் இவனுக்கு தரும் அன்புத்தொல்லைகள் அதிகமாகிக்கொண்டேதான் சென்றதே தவிர குறையவேயில்லை இவனும் மசியவில்லை.அந்தப்பெண்ணிடம் என்னைப்பற்றி கூறியிருப்பான் போலும் ஒரு நாள் இந்தாடா உன்கிட்ட பேசணுமாம் பேசு என்று மொபைலை என்கையில் கொடுத்துவிட்டான் பேசிய அந்தப்பெண் அண்ணா நான் தான் சரண்யா பேசறேண்ணா அவருக்கு நீங்களாவது எடுத்துச் சொல்லக்கூடாதா நான் அவங்கள விரும்புறேன் அண்ணா அவங்களை எப்படியாவது சம்மதிக்க வைங்களேன் என்று கூறினாள்.

இதுவரையிலும் அவனை எங்குமே நவநீ நவநீ என்று அழைத்துவந்த நான் அந்தப்பெண் என்னை அண்ணாவென்று கூறியதிலிருந்து அவனை மாப்ள என்று அழைக்கலானேன். மாப்ள ஏண்டா ஒரு பொண்ணு இம்புட்டு தூரம் உன்மேல ப்ரியம் வச்சிருக்கா நீ என்னடான்னா அதை உதாசீனம் பண்ற ஆனாலும் உனக்கு இம்புட்டு வீம்பு ஆகாதுடான்னு மட்டுமே சொல்ல முடிந்தது, அவனுடைய மனசை மாற்றமுடியவில்லை. ஒருநாள் பழங்காநத்தத்திலிருக்கும் ஜெயம் தியேட்டரில் நான் இவன் இன்னொரு நண்பன் மூவரும் சேர்ந்து பருத்திவீரன் படத்திற்கு சென்றிருந்தோம். படம் முடிந்து வந்ததிலிருந்து இவனுடைய நடவடிக்கைகளில் சில மாற்றங்கள் தெரிந்தது. மாப்ள ஒகே சொல்லிட்டேண்டா என்று சில நாட்கள் கழித்து அவன் சொன்னதும் மிகவும் மகிழ்ச்சியாகவே இருந்தது . எப்படிடா மாப்ள என்றதும் பருத்திவீரன் படம் பார்த்ததிலிருந்து ஒரு மாதிரியாகிடுச்சுடா மாப்ள அதான்ன்னு வழிஞ்சான். இப்பவும் பருத்திவீரன் படமோ பாடல்களோ பார்க்கும்பொழுது இவனுடைய அந்த வழியல் ஞாபகம் வந்து எனக்குள்ளே நமுட்டு சிரிப்பு சிரித்துக்கொள்வேன். திரைப்படங்கள் மனித மனங்கள் வரை ஊடுருவிச்செல்லும் என்பது அப்பொழுதுதான் எனக்கு தெரிந்தது. அதற்கு பிறகு மாப்ளையின் மொபைல் பில்லோடு சேர்ந்து காதலும் செழித்து வளர்ந்தது.

காதல்னா எதிர்ப்பு இருக்கத்தானே செய்யும் இவர்கள் காதலுக்கும் எதிர்ப்பு இருந்தது, இவன் வீட்டில் எந்தபிரச்சினையும் இல்லை அந்தப்பெண் வீட்டில் கடும் எதிர்ப்பு . இவனும் அவர்கள் வீட்டில் சொன்ன அந்தஸ்து பிரச்சினைக்காகவே வெளிநாடு சென்று நல்ல ஒரு நிறுவனத்தில் நல்ல சம்பளத்தில் பணிபுரிந்தான். அதற்குபிறகும் அவர்கள் வீட்டில் எதிர்ப்பு சொல்லியே வந்தனர். அவர்களிடம் நேரில் சென்று பேசிப்பார்த்துவிடுவது அதாவது இரண்டில் ஒரு முடிவு தெரிந்து கொள்வதற்கு ஊருக்கு சென்று எப்படியோ அவர்கள் வீட்டில் சம்மதம் வாங்கிவிட்டான். இதோ இன்று அவனுக்கு திருமணம் என்னால் மாப்பிள்ளை தோழனாக கூட இருக்கமுடியவில்லை. என் வாழ்க்கையில் நான் இழந்த மிக முக்கியமான தருணங்களில் இதுவும் ஒன்று.கண்ணீர் வரத்தான் செய்கிறது அது இயலாமையால் வந்தது அல்ல நாம பார்த்து வளர்ந்த காதல் வெற்றிபெற்று கல்யாணத்தில் முடியுறப்போ கூடவே இல்லாமல் போய்விட்டோமே என்ற ஆதங்கம் கேவல் அவ்வளவே மற்றபடி இந்த திருமணத்தால் அளவுகடந்த ஆனந்தமடைந்தவன் என்ற முறையில் பெருமையெனக்கு. என் வாழ்த்துகளை என் அம்மா அப்பா உன்னிடம் சேர்த்துவிடுவார்கள் ஏற்றுக்கொள்டா மாப்ள..!

சரண்யா நீ நினைச்சத சாதிச்சிட்ட பார்த்தியா இதேமாதிரியே எல்லா விஷயத்திலும் மன உறுதியோடு இருந்தா கண்டிப்பா வெற்றி நிச்சயம். மாப்ளைய கண்கலங்காம பார்த்துக்கம்மா ...!

சரண்யாநவநீதகிருஷ்ணன் இருவருக்கும் இல்லறம் சிறக்க , இன்பங்கள் வந்திட துன்பங்கள் பறந்திட மனம் நிறைந்த மணநாள் வாழ்த்துகள் நீங்கள் இருவரும் இன்று போலவே என்றும் மகிழ்ச்சியுடன் இருக்க எல்லாம் வல்ல இறைவனை பிரார்த்திக்கிறேன். GOD BLESS YOU..!

ரதி வீதி - பாகம் 1

2011-05-28T02:22:00.001+04:00

அழகி, பேரழகி, தேவதை, நிலா இந்த வார்த்தைகளுக்கு பொருந்திய உன்னுடைய அழகை மேற்க்கொண்டு விவரிக்க வார்த்தைகளற்று திரியும் எனக்கும் நீ சரியாய் பொருந்திப்போனதுதான் ஆச்சரியம்.

குட்டிக்குட்டி பெண் குழந்தைகளை தன் மடியில் அமர்த்தி தன்னுடைய இறக்கையிலிருந்து ஒரு இறகை பிய்த்து குழந்தைகளுக்கு தந்து அவர்களையும் தேவதைகளாய் ஆக்குகிறாள் தேவதையொருத்தி, என்னை உன் கையிலிருந்து கோடாரி பெற்றுக்கொள்ளும் விறகுக்காரனாவது ஆக்கிவிடு என்ற மாத்திரத்தில் தன்னுடைய இறகால் வருடிக்கொடுத்து என்னை தேவதை தாசனாக்கிவிட்டாள்.

காய்ச்சல் இருமல் தும்மல் போன்ற உணர்வுகளைப்போல் உன்னைப் பார்க்கும்பொழுதெல்லாம் வரும் ஒருவித மயக்க உணர்வுக்கு பெயர் தேடிக்கொண்டிருக்கிறேன் கிடைத்தபாடில்லை , நீயே சொல்லிவிடு என்றால் ஐ லைக் யூ என்று சொல்லிப்போகிறாய்.

கவிதையில் உவமை சம்மனமிட்டு அமர்ந்து கவிதையோடு சேர்ந்து தானும் அழகாவது போல் உன் முகத்திலிருக்கும் மூக்குத்தியும் உன்னோடு சேர்ந்து அழகாகிறது.

பிரிக்க முடியாதது எதுவென்ற உன் திருவிளையாடல் கேள்விக்கு உன்னையும் அழகையும் என்ற பதில் சொல்லி உன்னிடம் ஆயிரம் முத்தங்கள் வாங்கலாமென்று பார்த்தால் நெற்றியில் ஒற்றை முத்தமிட்டுவிட்டு நெற்றியிலிட்டாலும் முத்தம் முத்தமே என்று ஏக வசனம் பேசுகிறாய்.

நாளைக்கு சென்னை போகிறேன் என்றவளிடம் அப்போ நாளையிலிருந்து நீ இருக்கும் வரை அது சிங்காரச்சென்னையல்ல சிங்காரிச்சென்னை என்று சொல்லி ஒரு கட்டியணைப்பு பரிசில் பெற்றேன்.

ஹோம்சிக் வந்து விடுமுறை கேட்டால் உடனே விடுப்பளித்துவிடும் மேலாளரிடம் உன்சிக் வந்திருப்பதை சொன்னால் மட்டும் முறைக்கிறார், அவருக்கெப்படி தெரியும் இரண்டு சிக்கும் நீதான் என்று.

கோவில் பிரகாரத்தைச்சுற்றியிருக்கும் ரத வீதிகள் எல்லாம் நீ நடந்து வரும்பொழுது ரதிவீதிகளாக மாறிப்போகின்றன.

ரதி பதியன் - ஒரு காதலியின் புலம்பல் !!!

2011-05-20T11:52:00.000+04:00

ஒரு நாள் வானவில்லை வரைந்து காட்டுகிறேன் வா என்று ஓவிய அறைக்கு கூட்டிப்போனான் அங்குள்ள சுவரில் வானவில்லை அழகாய் வரைந்தான் ஆனால் அவன் வரைந்ததில் ஆறு வண்ணங்கள்தான் இருந்தன என்னடா வானவில் வண்ணங்கள் ஏழுதானே நீ ஆறல்லவா வரைந்திருக்கிறாய் மஞ்சள் நிறம் எங்கே என்று கேட்டேன் அதுவா இப்படி கிட்ட வா என்று சொல்லியபடி மஞ்சள் நிற இடத்தில் என்னை நிரப்பி இப்பொழுது பார் ஏழு வண்ணமும் இருக்கிறதா இல்லையா என்றவனை கன்னாபின்னாவென்று கட்டிக்கொண்டேன். இவன் இப்பொழுது மட்டுமல்ல நிறைய முறை இப்படித்தான் "அழகிய நட்சத்திரங்களுடன் கூடிய வானத்தை வரைந்துவிட்டு நிலவை வரையாமல் அதற்கு பதில் என்னை நிறுத்தி வைப்பான், வெறும் இலை , தண்டுடன் கூடிய செடியை வரைந்துவிட்டு மலருக்கு பதில் அங்கே என்னை நிரப்புவான் " இப்படி இவனுடைய லூசுத்தனமான அழகான செயல்களாலயே எனக்கு இவனை நிறைய பிடித்துப்போகிறது.

அன்று வெள்ளிக்கிழமை என்பதால் அருகில் ஆற்றையொட்டி இருக்கும் சிவன் கோவிலுக்கு இருவரும் சென்றோம் . நான் பச்சைக்கலரில் பட்டுச்சேலை அணிந்திருந்தேன் அவனும் பட்டு வேஷ்டி பட்டுச்சட்டையுடன் கம்பீரமாகவே என்னுடன் வந்தான். கோவிலுக்குள் செல்வதற்கு முன் ஆற்றில் கை கால்களை அலம்ப வேண்டும் என்ற சாஸ்திரப்படி ஆற்றில் நான் இறங்கியதுதான் தாமதம் அருகிலிருந்த அவன் "பச்சைப்பட்டு உடுத்தி அழகி ஆற்றில் இறங்கிவிட்டாள்" என்று கத்தி கூப்பாடு போட்டதில் சுற்றியிருப்பவர்கள் ஒரு மாதிரியாக பார்க்க எனக்கோ வெட்கம் தாங்க முடியாமல் அப்படியே அவனை ஆற்றில் தள்ளிவிட்டுவிட்டேன் தொப்பல் தொப்பலாக நனைந்து போனான். நானும்தான் அவனுடைய அதீத அன்பில் தொப்பல் தொப்பலாக நனைந்து போயிருக்கிறேன்.

இவன் முகத்தில் ஓவியம் வரையும் கலை கற்றிருக்கிறான் என்பது எனக்கு வெகு நாட்களுக்கு பின்பு தெரிய வந்த பொழுது எங்கே என் முகத்தில் ஓவியம் வரையேன் என்றேன் . உன்னுடைய முகம் கொஞ்சம் தட்டையாக இருப்பதால் உலக வரைபடத்தை வரைகிறேன் என்று அட்லஸை என் முகத்தில் வரைய ஆரம்பித்தான் . வரைந்து முடித்ததும் என்ன்னை நிலைக்கண்ணாடி முன்னாடி முன் கூட்டிச்சென்று காட்டினான் . சும்மா சொல்லக்கூடாது அழகாக சின்ன சின்ன தீவுகள் முதற்கொண்டு எதுவும் விடாமல் எல்லாவற்றையும் மூக்கிலிருந்து மேற்புற பகுதிகளிலேயே வரைந்து முடிந்திருந்தான். ஒரே ஒரு தப்பு செய்திருந்தான் அண்டார்டிகா கண்டத்தை வரையாமல் அந்த இடத்தில் சின்ன சின்ன பென்குவின்களை வரைந்திருந்தான் . எங்கடா அண்டார்டிகா கண்டம் காணோம் ஒரே பென்குவினா இருக்கு என்றேன் மெல்ல சிரித்துக்கொண்டே "உன் உதடும் அதற்கு கீழும் எல்லாமே குளிர் பிரதேசம்தானே" அதான் அப்படியே விட்டு விட்டேன் என்றவனை என்ன செய்யலாம் என்று நினைத்து கொண்டிருக்கும் பொழுதே என் முகத்திலிருந்த ஒரு பென்குவின் அவன் முகத்திற்கு இடம் மாறியிருந்தது.

எங்கள் இருவருக்கும் திருமணம் முடிந்து இவனுடைய என் வீட்டிற்கு வந்ததும் வீட்டில் சிற்சில மாற்றங்கள் செய்ய ஆரம்பித்திருந்தான். அதில் முதலாவதாக வீட்டின் முகப்பில் அவன் பெயர்போட்டு இல்லம் என்று இருந்த பலகையை எடுத்துவிட்டு ரதிவீடு என்று மாற்றியிருந்தான். வரவேற்பறையில் தேவதை உலாவும் இடம் என்று எழுதியிருந்தான். " ரகு பதி என்ற அவன் பெயரை ரதிபதி என்று சட்டப்படி பெயர் மாற்றுவதற்குரிய விண்ணப்பங்களை வாங்கி வந்திருந்தான்" . ஏண்டா இப்படி லூசுத்தனமா எதுனாலும் செய்துட்டு இருக்க என்றேன் எல்லாம் என் தலையெழுத்து என்று நெற்றியை பிடித்தவனின் கைகளை தட்டி விட்டேன் நெற்றியில் என் பெயரை எழுதி வைத்திருக்கிறான். இப்போ சொல்லுங்கள் இவனுக்காக என் உயிரை தரலாமா இல்லையா அதுதான் இவனுக்கு ஒரு குழந்தை பரிசாக தரலாமென்று முடிவெடுத்துவிட்டு அதை அவனிடம் சொன்னால் "ரோஜா பதியன் மாதிரி ரதி பதியன் போடலாமென்கிறாய் சரி வா என்று குதூகலப்படுகிறான்".

இவன் ஓவியன் மட்டுமல்ல சிலநேரங்களில் அழகான கவிதைகளும் எழுதுவான் ஒரு நாள் இவனுடைய லூசுத்தனமான செயல்களை என் கழுத்திலிருந்த தங்க சங்கிலியை வாயில் வைத்து கடித்தபடி ரசித்துக்கொண்டிருந்தேன் அப்பொழுது அவன் எழுதிய கவிதை

"கழுத்தில் போட்டிருந்த

தங்க சங்கிலியை

வாயில் வைத்து

கடித்துக்கொண்டிருக்கிறாள்

இனம் இனத்தோடுதான்

சேரும்"

இப்படி என்னை மட்டுமே ரசிக்கும் என்னை மட்டுமே தன் உலகமாய் எண்ணி வாழும் இவன் எனக்கு கிடைக்க நான் கொடுத்துதான் வைத்திருக்க வேண்டும் என்று நினைத்துக்கொண்டு அவனிடம் ஏண்டா இப்படி இருக்க என்று செல்லமாய் கேட்டு அவன் நெற்றியில் மென் முத்தம் பதித்தேன்..!

T - Shirt வாசகங்கள் தமிழில் (18+)

2011-05-03T23:39:00.001+04:00

ஆங்கில வாசகங்களையுடைய டீ ஷர்ட்களை பார்த்து பார்த்து போரடித்துவிட்டது அதுதான் ஒரு மாற்றத்திற்கு தமிழில் டீ ஷர்ட் வாசகங்களை முயற்சி செய்தால் என்ன என்று தோன்றியதால் வந்த பதிவு இது. நீங்களும் உங்களுக்கு தோன்றிய வாசகங்களை பின்னூட்டத்தில் தெரிவியுங்கள் அடுத்தமுறை பதிவில் ஏற்றிவிடலாம் , வாசகங்கள் முக்கியமாக ஆண்பாலுக்கா பெண்பாலுக்கா என்பதையும் தெரிவித்துவிடுங்கள் . Deal !!

காதல் கொஞ்சம்...காமம் கொஞ்சம்...!

2011-04-25T06:30:00.000+04:00

அறையெங்கும் சந்தனமணத்தை பரப்பிக்கொண்டிருந்தது அந்த சாண்டல் அகர்பத்தி சந்தன வாசத்தை நுகர்ந்தவாறே மெத்தையில் உட்கார்ந்திருந்த என்னிடம் ''சுளுக்கெடுத்துவிடறேன் கொஞ்சம் காலை நீட்டுங்க'' என்று சொல்லியவாறு என்னுடைய காலை எடுத்து அவளின் மடியில் வைத்து ஒவ்வொரு விரலையும் முன்னும் பின்னும் இழுத்து இழுத்து பார்த்து சுளுக்கு எதுவும் இல்லையென்றதும் , ''என்னங்க சுளுக்கே விழ மாட்டேன்னுது'' என்றவளிடம் ''நீதான் நேற்றே சுளுக்கெடுத்துவிட்டாயே இன்றைக்கு எப்படி இருக்கும்'' என்றேன் நமுட்டு சிரிப்புடன் , அதற்கு அவள் களுக்கென்று சிரித்துக்கொண்டே தலையணையில் முகம் புதைத்துக்கொண்டாள், வெட்கமாம்.

தலையணையில் முகம் புதைத்தவளிடம் அட ரொம்பத்தான் வெட்கப்படுகிறாய் நீ, சென்ற மாதம் நீ ஊருக்கு போயிருந்த நேரத்தில் உன் தலையணை என்னிடம் நிறைய முத்தங்களை வாங்கி வைத்திருக்கிறது இன்னும் கொஞ்சம் நேரம் இருந்தால் அந்த முத்தத்தையெல்லாம் உனக்கு மாற்றிவிடும் பரவாயில்லையா என்றதும் ச்சீய் தலையணைக்கு போய் யாராவது முத்தம் கொடுப்பார்களா என்று கண்களை அகலவிரித்து தலையணையை நோக்கி உன்னை பிறகு கவனித்துக்கொள்கிறேன் என்கிற மாதிரி ஓரக்கண்ணில் பார்த்துவிட்டு என்னை நோக்கி வந்தவள் முத்தமழை பொழிந்துவிட்டாள், கேட்டால் கட்டணமில்லா முத்த ட்ரான்ஸ்ஃபர் செய்துவிட்டது தலையணை என்கிறாள். ஆஹா தலையணை மந்திரம் வேலை செய்கிறதே என்று நினைத்துக்கொண்டேன் மனதிற்குள்.

ஆமாங்க இந்த தலையணை மந்திரம் தலையணை மந்திரம் என்று சொல்கிறார்களே அது என்ன மந்திரம் என்று குப்புற படுத்திருந்த என் முதுகில் முட்டை முட்டையாக கை விரல்களால் கோலமிட்டுக் கொண்டே வினவியளை ஆச்சரியமுடன் பார்த்தேன் நாம் மனதிற்குள் நினைத்தது இவளுக்கு கேட்டுவிட்டதோ என்று நினைத்துக்கொண்டே அதுவா செல்லம் அதற்கு நீ என்னிடம் என்ன செய்கிறாயோ அதற்கு எதிர்பதமாக நான் உன்னிடம் செய்வேன் அதுதான் என்றதும் . என்னவோ புரிந்திருக்க வேண்டும் சட்டென்று விரல்களால் கோலமிடுவதை நிறுத்தி கோவத்துடன் என் இரண்டு கன்னங்களிலும் தன் ஐந்து கைவிரல்களும் பதியுமாறு ஓங்கி பளாரென்று அடித்துவிட்டு ஆளும் மூஞ்சியும் பாரு என்றவளின் கன்னங்களில் பதிலுக்கு முத்தமிட ஆரம்பித்தேன்.இப்பொழுது அவளுக்கு புரிந்துவிட்டிருந்தது முதலில் சொன்னது போலி தலையணை மந்திரமென்று.

அப்படியே தூங்கிவிட்டேன் போலிருக்கிறது காலையில் நான் படுத்திருந்த பொசிசனை பார்த்தவள் சிரித்துக்கொண்டே ''கால் நீட்டி தூங்கும் காண்டா மிருகம் அடடடே ஆச்சரியக்குறி'' என்று நக்கலடித்த படியே காபி சாப்பிடுங்க ஆறிடப்போவுது என்று காபியை கொண்டுவந்து டீஃபாய் மீது வைத்துச்சென்றாள். நான்தான் நக்கல் பிடித்தவன் என்றால் இவள் நக்கலை குத்தகைக்கே எடுத்திருப்பாள் போல இன்னைக்கு இரவு இருக்கிறதடி உனக்கு என்று மனதிற்குள் நினைத்துக்கொண்டே அவள் குடுத்த காபியை குடித்துவிட்டு வழக்கம்போலே அன்றைய இரவு டின்னருக்கான மெனுவை ஸ்டிக்லேபிளில் எழுதி டீ கப்பின் அடியில் ஒட்டிவிட்டேன்.

அன்றைக்கு அலுவலகத்தில் அதிகப்படியான வேலையால் சோர்ந்து போய் வீடு திரும்பினேன். வீடு திறந்துதான் இருந்தது கவி , கவி என்றழைத்தபடியே வீடு முழுவதும் தேடினேன் ஆளையே காணோம் என்னை வெறுப்பேற்றுவதற்காக எங்கேயாவது ஒளிந்திருந்து விளையாட்டு காட்டுவாளாக்கும் என்று நினைத்தபடிஉடை மாற்றிவிட்டு பெட்ரூமிற்குள் நுழைந்ததும், நான் நினைத்தபடியே உள்ளே ஒளிந்திருந்த அவள் சட்டென்று கதவை சாத்திவிட்டு என்னை கட்டிப்பிடித்து முகம் நிறைய முத்தம் கொடுத்தாள். முத்தம் கொடுக்க வெட்கப்படுபவள் இப்படி முத்தமழை பொழிவது ஆச்சரியமாய் இருந்தது. இன்னைக்கு உனக்கு என்ன ஆச்சு என்றேன்? நீங்க இன்னிக்கு டின்னர்க்கு என்ன எழுதியிருந்தீங்க என்று கேட்டதும்தான் காலையில் அவளுக்கு விளையாட்டாய் மெனுவில் ''முத்த தோசை'' என்று எழுதிக்கொடுத்தது ஞாபகத்தில் வந்தது , அலுவலகத்தில் நடந்த அதிகப்படியான வேலை அழுத்தத்தில் காலையில் அவளுக்கு எழுதிக்கொடுத்திருந்த மெனுவையும் மறந்திருந்தேன் நான். அவள் கொடுத்த டின்னரான முத்த தோசை முகத்தையும் மனத்தையும் நிறைத்தது.பதிலுக்கு காம டிப்ஸ் கொடுக்க ஆரம்பித்திருந்தேன் நான்.

பிரபல நுகர்பொருட்களின் தமிழ் பெயர் பகுதி - 4

2011-04-22T14:48:00.001+04:00

முத்தப்பால் - முத்தக்குறள்கள் (U/A)

2011-04-18T03:36:00.000+04:00

முத்தப்பால்

முத்தம் முதல இன்ப மெல்லாம் காதலி
பகவன் முதற்றே உலகு

முத்தமிட சத்தமின்றி முத்தமிட்ட பின்
பெறுக அதற்கு தக

முத்தப் பெருங்கடல் நீந்துவர் நீந்தார்
காமன் அடிசேரா தார்

காதலித்த பொழுதின் பெரிதுவக்கும் தன்முத்தத்தை
முதல்முத்தம் எனக்கேட்ட காதலி,

முத்தம் உயிருக்குள் உய்க்கும் முத்தமிடாமை
உயிரையும் எடுத்து விடும்

யாகாவா ராயினும் இதழ்காக்க காவாக்கல்
சோகப்பர் கற்பிழுக்குப் பட்டு

முத்ததோடு ஒத்த கூடல் பலகற்றும்
கல்லார் அதிர்ஷ்டமிலா தார்

முத்தம் எனப்படுவது யாதெனின் யாதொன்றும்
துன்பம் இலாத இன்பம்

எல்லா முத்தமும் முத்தமல்ல காதலர்க்கு
இதழ் முத்தமே முத்தம்

தொட்டணைத் தூறும் முத்தம் மாந்தர்க்கு
உணர்ச்சியை தூறும் காமம்

முத்தத்துள் முத்தம் இதழ்முத்தம் அம்முத்தம்
முத்ததிற்க் கெல்லாம் தலை

இதழுக்கு முத்தமில்லாத பொழுது சிறிது
கன்னத்திற்கும் ஈயப் படும்

எம்முத்தம் யார்யார்வாய் கொடுப்பினும் அம்முத்தம்
மெய்முத்தம் காண்ப தறிவு

உடலால் ஆகாதெனினும் முத்தம் தன்
மெய்வருத்த உணர்ச்சி தரும்

- முத்தள்ளுவர்

,

ரொமான்டிக் ஆண் குரல்கள் !!!

2011-04-16T05:38:00.003+04:00

ரொமாண்டிக் குரல்கள் பதிவில் பெண்களின் குரலில் வந்த பாடல்களை பார்த்தோம் இப்பொழுது ஆண்கள் குரலில் மனதை மயக்கும் குரல்கள் இதோ !!

பி பி ஸ்ரீநிவாஸ் அறிமுகமே தேவையில்லாத பிரம்மாண்டமான பாடகர் குரலில் மயக்கமருந்தை கலந்திருப்பார் போலும் முதன் முதலாக அப்பா ஒரு நாள் நான் கவலையா இருக்குறப்போ ஒரு பாட்டு பாடி காமித்தார் அப்பாவோட குரல்லயே அழகா இருந்துச்சு பிறகு ஆடியோ செண்டர் போய் பிபி ஸ்ரீநிவாஸ் ஹிட்ஸ் கேட்டு வாங்கி போட்டு கேட்டுப்பார்த்தேன் மயங்கிவிட்டேன் ஒவ்வொரு பாடலிலும் அசத்தியிருந்தார் ம்ம் சோலாவாக பாடியதில் காலங்களில் அவள் வசந்தம் என்ற பாடல் மிகப்பிடிக்கும் !!

பாவமன்னிப்பு திரைப்படத்தில்
கவிஞர் கண்ணதாசனின் பாடல் வரிகளில்
மெல்லிசை மன்னர்கள் எம் எஸ் விஸ்வநாதன் ராமமூர்த்தி அவர்களின் இசையில்

"காலங்களில் அவள் வசந்தம்
கலைகளிலே அவள் ஓவியம்
மாதங்களில் அவள் மார்கழி
மலர்களிலே அவள் மல்லிகை"

இறுதியில் அவள் கவிஞனாக்கினாள் என்னை என்று முடிக்கும்போது இன்னும் இந்தப்பாட்டு தொடராதா என்று ஏங்க வைக்கிறது..இங்கே சென்று கேட்டுப்பாருங்கள் .. திரும்பி வந்தால் மீதியிருக்கும் தொகுப்பையும் ரசியுங்கள் :)

டூயட்டிலும் மனிதர் அழகான பாடல்கள் பாடியிருக்கிறார் பி சுசிலா மேடமோட சேர்ந்து இவர் பாடிய டூயட் போகப்போகத்தெரியும் இந்த பூவின் வாசம் புரியும் என்ற பாடல் கேட்கவும் பார்க்கவும் மிகப்பிடிக்கும் முத்துராமன் சாரும் கேஆர் விஜயா மேடமும் ஸ்ரீனிவாஸ் பி சுசிலா அவர்களின் குரலுக்கு உயிர் கொடுத்திருப்பார்கள் Dangerous Pairs .

சர்வர் சுந்தரம் திரைப்படத்தில்
கவிஞர் கண்ணதாசனின் பாடல் வரிகளில்

மெல்லிசை மன்னர்கள் எம் எஸ் விஸ்வநாதன் ராமமூர்த்தி அவர்களின் இசையில்

"போக போகத்தெரியும்
இந்தப்பூவின் வாசம் புரியும்

கள்ள விழி கொஞ்சம் சிரிப்பதென்ன
கைககள் அதை மெல்ல மறைப்பதென்ன
பொன்னாடை தள்ளாட மேடை என்னோடு
ஆட வாராமல் இருப்பதென்ன "

கேளுங்கள் இங்கே ...

அடுத்ததாக டி எம் சவுந்தர்ராஜன் அவர்கள்

இவர் இல்லையென்றால் எம்ஜிஆரும் சிவாஜியும் இல்லை என்று கூட ஒரு பேச்சிருக்கிறது அவ்வளவு தத்ரூபமாக இருவருக்கும் பொருந்திப்போன குரல் இவருடையது எம்ஜிஆருக்கு இவர் பாடிய சோலோ பாடலில் கண் போன போக்கிலே கால் போகலாமா? என்ற பாடல் பிடிக்கும்

பணம் படைத்தவன் திரைப்படத்தில்
கவிஞர் வாலியின் வரிகளில்’

மெல்லிசை மன்னர்கள் எம் எஸ் விஸ்வநாதன் ராமமூர்த்தி அவர்களின் இசையில்

"கண் போன போக்கிலே கால் போகலாமா?

கால் போன போக்கிலே மனம் போகலாமா?

மனம் போன போக்கிலே மனிதன் போகலாமா?"

எவ்வளவு அர்த்தம் பொதிந்த பாடல் கேட்டுப்பாருங்கள் இங்கே ..

இவர் நடிகர் திலகத்துக்கு டூயட்டாக பாடியதில் பூ மாலையில் ஓர் மல்லிகை என்ற பாடல் ஆரம்பமே ஹ ஹ ஹ ஹ ஆ ன்னு ஆரம்பித்து இனிமையாக இருக்கும் கேட்பதற்கு

ஊட்டி வரை உறவு திரைப்படத்தில்

கவிஞர் கண்ணதாசனின் பாடல் வரிகளில்

எம் எஸ் விஸ்வநாதன் அவர்கள் இசையில்

"பூ மாலையில் ஓர் மல்லிகை

இங்கு நான் தான் தேன் என்றது

உந்தன் வீடு தேடி வந்தது

இன்னும் வேண்டுமா என்றது"

கேட்டு நீங்களும் மயங்குங்கள் இங்கே இருக்கிறது

A M ராஜா அவர்களின் குரல் கேட்டிருக்கிறீர்களா காதுக்குள் ரீங்காரமிட்டுக்கொண்டே இருக்கும் இவரின் குரலில் வந்த பாடல்கள். அதில் எனக்கு பிடித்த சோலோ பாடல்

தேன் நிலவு திரைப்படத்தில்

கவிஞர் கண்ணதாசன் பாடல் வரிகளில்

"பாட்டுப்பாடவா பார்த்து பேசவா

பால் நிலாவை போலே வந்த பாவையல்லவா?"

கேளுங்க கேளுங்க இங்கே

AM ராஜா அவர்கள் சுசிலாம்மாவுடன் பாடிய டூயட் சாங்கில் தென்றல் உறங்கியபோதும் திங்கள் உறங்கியபோதும் என்ற பாடல் என்னை ஏதோ ஒரு இயற்கை அழகு மிகுந்த இடத்தில் சுகமான காற்று தீண்டிச்செல்லுவது போல் இருக்கும் அது எந்த மனநிலையாக இருந்தாலும் சரி ..

பெற்ற மகனை விற்ற அன்னை திரைப்படத்தில்

கவிஞர் மருதகாசியின் பாடல் வரிகளில்

மெல்லிசை மன்னர்கள் வ்ஸ்வநாதன் ராமமூர்த்தியின் இசையில்

"தென்றல் உறங்கியபோதும்

திங்கள் உறங்கியபோதும்

கண்கள் உறங்கிடுமா

காதல் கண்கள் உறங்கிடுமா?"

தழுவட்டும் தென்றல் உங்கள் காதுமடல்களை இங்கே

நடிகரும் பாடகருமான டி ஆர் மகாலிங்கம் அவர்கள் பாடிய பாடல் கேட்டிருக்கிறீர்களா? கேட்க கேட்க காதில் தேன் வந்து பாய்ந்தது போன்றிருக்கும் இவர் பாடிய சோலோ சாங்கில் இசைத்தமிழ் நீ செய்த அரும் சாதனை மிக மிகப்பிடிக்கும் கோவில்களில் இந்தப்பாடல் கேட்டால் அங்கேயே நின்று கேட்டுவிட்டுத்தான் நகர்வேன் ஒரு வித வாயில் வெற்றிலை போட்டபடியே பாடுவது போன்று இருந்தாலும் ரசிக்க முடிகிறது இவரது குரலை..

திருவிளையாடல் திரைப்படத்தில்

கே வி மகாதேவன் அவர்களின் இசையில்

"இசைத்தமிழ் நீ செய்த அருஞ்சாதனை

நீ இருக்கையிலே எனக்கு பெருஞ்சோதனை"

மனம் பக்தி பரவச நிலையடையட்டும் இங்கே

டி ஆர் மகாலிங்கம் அவர்கள் பாடிய இன்னொரு மனதை மயக்கும் பாடல் செந்தமிழ் தேன் மொழியாள் கிளாசிக் ஹிட் ரொம்பவே விரும்பி கேட்பதுண்டு இசையோடு ஒன்றிப்போய்விடுவீர்கள் !!!

மாலையிட்ட மங்கை திரைப்படத்தில்

கவிஞர் கண்ணதாசன் அவர்களின் பாடல் வரிகளில்

எம் எஸ் விஸ்வநாதன் ராம்மூர்த்தி இசையில்

"செந்தமிழ் தேன்மொழியாள்

நிலாவென சிரிக்கும் மலர்க்கொடியாள்

பைந்தமிழ் இதழில் பழரசம் தருவாள்

பருகிட தலைகுனிவாள்

காற்றினில் பிறந்தவளோ

புதுசாய் கற்பனை வடித்தவளோ

சேற்றினில் மலர்ந்த செந்தாமரையோ

செவ்வந்தி பூச்சரமோ ?" ( ப்ச் சான்சே இல்ல கண்ணதாசரே )

சோழவந்தான் காரரின் குரல் கேளுங்க இங்கே

சி எஸ் ஜெயராமன் எங்கப்பாகிட்ட இருந்து அறிமுகமானவர் பராசக்தி திரைப்படத்தில் கா கா கா என்ற பாடலை பாடியவர்தான் அதே திரைப்படத்தில் தேசம் கல்வி ஞானம் என்று ஆரம்பிக்கும் பாடல் கேட்டுப்பார்துவிடுங்கள் சலனத்தை ஏற்படுத்தும் குரல் உடுமலை நாராயண கவியின் பாடல் வரிகள் உண்மைதான் சொல்கின்றன..

பராசக்தி திரைப்படத்தில்

ஆர் சுதர்சனம் அவர்கள் இசையில்

உடுமலை நாராயண கவியின் பாடல் வரிகளில்

"தேசம் ஞானம் கல்வி ஈசன் பூசையெல்லாம்

காசு முன் செல்லாதடி குதம்பாய்

காட்சியான பணம் கைவிட்டு போனபின்

சாட்சி கோர்ட்டு ஏறாதடி -குதம்பாய்

பை பையாய் பொன் கொண்டோர்

பொய் பொய்யாய் சொன்னாலும்

மெய் மெய்யாய் போகுமடி - குதம்பாய்"

கேட்டு உணர்ச்சி வசப்படுக இங்கே

இவரின் இன்னொரு தெவிட்டாத பாடல்

பாவை விளக்கு திரைப்படத்தில்

வரும் வண்ணத்தமிழ் பெண்ணொருத்தி என்ற பாடல் இயல்பான நடிகர்திலகத்தின் நடிப்பில் சி எஸ் ஜெயராமன் அவர்கள் பாடிய எனக்கு மிகப்பிடித்த பாடல்

"வண்ணத்தமிழ் பெண்ணொருத்தி

என்னருகில் வந்தாள்

அழகை எல்லாம் அவள் முகத்தில் கண்டேன்"

கேட்டு ரசியுங்கள் இங்கே

இன்னும் ஒருவர் ஏ எல் ராகவன் அவர்கள் இவர் நெஞ்சில் ஓர் ஆலயம் திரைப்படத்தில் பாடிய எங்கிருந்தாலும் வாழ்க என்ற பாடலில் இருக்கும் சோகத்தையும் மீறி அனுபவிக்க முடிகிறது..

"வருவாய் என நான் தனிமையில் நின்றேன்

வந்தது வந்தாய் துணையுடன் வந்தாய்

துணைவரை காக்கும் கடமையும் தந்தாய்

தூயவளே நீ வாழ்க

வாழ்க வாழ்க!!"

இங்கே சென்று கேட்டுப்பாருங்கள்

தற்கால மற்றும் இடைக்கால பாடகர்கள் பற்றி அடுத்த பதிவில் பார்ப்போம்.

நன்றி வணக்கம் :)

வர்ணங்கள் (சித்திரை - க)

2011-04-14T04:18:00.000+04:00

வாழ்த்துகள்

என்னதான் தை மாதப்பிறப்பை தமிழ்ப்புத்தாண்டாக அறிவித்தாலும் நம் முன்னோர்கள் வழி வந்த மரபை அவ்வளவு எளிதில் மாற்றிவிட முடியாது. உலகெங்கும் இருக்கும் தமிழ் நண்பர்கள் அனைவருக்கும் சித்திரைத்திருநாளாம் தமிழ்ப்புத்தாண்டு நல்வாழ்த்துகள்.

ஆலோசனை

தமிழே எங்கள் மூச்சு என்று முழங்கிக்கொண்டிருக்கும் தமிழக முதல்வர் டாக்டர் கலைஞர் அவர்கள் மீண்டும் தமிழக முதல்வராக தேர்ந்தெடுக்கப்படும்பட்சத்தில் அவருக்கு அடியேனின் சிறு விண்ணப்பம் தமிழ் மொழியில் உயிர் எழுத்துகள் , மெய்யெழுத்துகள் , உயிர்மெய்யெழுத்துகள் ஆயுத எழுத்து சேர்ந்து மொத்தம் 247 எழுத்துகள் இருக்கின்றன்.தற்பொழுது தமிழகத்தில் இருக்கும் 234 சட்டசபை தொகுதிகளையும் தமிழ் எழுத்துகளுக்கு ஏற்ப 247 சட்டசபை தொகுதிகளாக அதிகரிக்கும்படியும் அந்த ஒற்றை ஆயுத எழுத்திற்கான தொகுதியை திரு நங்கைகளுக்கான தொகுதியாக ஒதுக்கி தேர்தல் ஆணையத்திற்கு கோரிக்கை வைக்கும்படி கேட்டுக்கொள்கிறேன் இது அடியேனின் சிறு விண்ணப்பம் சின்ன சின்ன ஆசை.ஒவ்வொரு தொகுதிக்கும் ஒவ்வொரு தமிழ் எழுத்து மாற்று பெயராக இருந்தால்தான் என்ன?

தகவல்

மனித உறுப்புகளில் முதலில் உருவாவதும் இதயம்தான் இறுதியில் இயக்கத்தை நிறுத்துவதும் இதயம்தான்.!!!

தூய தமிழ்ச் சொற்கள் சில

Auto - தானி
Bakery - அடுமனை
Bulldozer - இடிவாரி
Token - கிள்ளாக்கு
Shampoo - சீயநெய்

வித்யாசங்களை கண்டுபிடியுங்கள்

குறும்படம்

நண்பா :)))

ஒரு கவிதை

காதலியண்டர் மாதங்கள்

கண்வரி
ஹிப்வரி
மார்ச்
கூந்தல்
இமை
கை
கால்
மூக்கஸ்ட்
இதழம்பர்
நெக்டோபர்
புருவம்பர்
ஃபேஸம்பர்

சிரிக்கப்படாது சிரிச்சா இன்னும் இது மாதிரி கவிதை நிறைய வரும் ஜாக்ரத..! :)))

சொப்பன சுந்தரி ...

2011-04-08T08:21:00.002+04:00

விஜயகாந்தின் POOR PERFORMANCE !!!

2011-04-02T05:46:00.000+04:00

தொடர்ந்து தே.மு.தி.க தலைவர் விஜயகாந்த் அவர்களின் அனுபவமில்லா அரசியல் விளையாட்டு அவரை இந்த தேர்தலில் காணாமல் போய்விடச்செய்யக்கூடிய நிலையை ஏற்படுத்தும் என்பது நிச்சயம்.

விஜயகாந்த் மீது வடிவேல் தாக்குதல் :

முன் விரோதம் காரணமாக நடிகர் வடிவேலுவிடம் செய்த தகராறு தற்பொழுது அவரை விஜயகாந்துக்கு எதிராக தண்ணியில் மிதக்கும் கப்பல்ல இருப்பவர் பெயர்தான் கேப்டன் எப்பவும் தண்ணியில் மிதப்பவர் பெயர் கேப்டன் இல்லை என்பது மாதிரியான தரக்குறைவாக பேச வைத்திருக்கிறது. பொது இடத்தில் வடிவேலுவின் இந்த வார்த்தை தாக்குதல் தவறாக பட்டாலும் அவரது இமேஜை சிறிது காலி செய்திருக்கிறது.பிரச்சார நேரத்தில் அவரது மனவலிமையை ஆரம்பத்திலேயே காலிசெய்வதற்கு தி.மு.க. தன் தந்திரத்தை சரியாக பயன் படுத்தியிருக்கிற பௌலர்தான் வடிவேலு.விக்கெட் விழுகவில்லை என்றாலும் பேட்ஸ்மேனின் உடல் மன வலிமையை காலி செய்திருக்கிறது.

கூட்டணிக்குள் ஒற்றுமையின்மை :

விஜயகாந்த் பிரச்சாரத்தின் போது அதிமுக தொண்டர்களுடன் கட்சிக்கொடி கட்டிய விவாகாரத்தில் எதிர்ப்புகாட்டியதில் இவரின் கூட்டணி ஓற்றுமை பல்லிளிக்கிறது. விக்கெட்டுகளுக்கிடையில் ஓடுவதில் விஜயகாந்தின் தவறான போக்கினால் அவரது விக்கெட்டை இழந்தார்.

வேட்பாளர் மீது தாக்குதல் :

தனது சொந்தக்கட்சியின் வேட்பாளரை பிரச்சாரத்தின்போது பொது இடத்தில் வைத்து தாக்கியிருப்பது விஜயகாந்த் மீது வடிவேலு சொன்ன கூற்று உண்மையென்பதுபோல் நிதானமிழந்து நடந்து கொண்டது அரசியலில் அவருக்கு ஒரு கட்சியின் தலைவராக இருக்க தகுதியில்லை என்பதை காட்டுகிறது. என் கட்சிகாரனை அப்படித்தான் அடிப்பேன் உதைப்பேன் என்று சவடால் பேசியிருப்பது கண்டனத்துக்குரியது. தன் தலை மீது தானே மண்ணை அள்ளிப்போட்டுக்கொண்டிருக்கிறார் விஜயகாந்த்.

பிரச்சாரத்தின் போது உளறல் :

தேர்தல் பிரச்சாரத்தின் போது அண்ணாவின் ஆவி பேசியதாக உளறியிருப்பதும் , முன்னுக்குபின்னான தவறான தகவல்களை சொல்லுவது , கண்ணீர் விட்டு கதறுவது என இவரின் உளறலை மக்கள் நம்புவதாக தெரியவில்லை.இந்த தேர்தலில் விஜயகாந்திற்கு மக்கள் சரியான பாடம் புகட்டி அவரை மூலையில் உட்கார வைப்பார்கள்.

விஜயகாந்த் அவர்களே உங்களைத்தான் தமிழ்நாட்டின் எதிர்காலம் என்று நம்பிக்கொண்டிருக்கும் பொதுமக்களை தங்களின் தவறான நடத்தையினால் , செயல்களினால் அனுபவமற்ற அரசியல்தனத்தால் ஏமாற்றிவிட்டீர்கள். இனியாவாது திருந்துவீர்களா?

தமிழக மக்கள் சூடு சொரணை இல்லாதவர்களா? - கலைஞரின் தந்திரம்

2011-03-28T06:31:00.000+04:00